Salamo
Salamo.
98 Nyima jë koi Iehova la nyima ka hnyipixe,
Ke hnei nyidrëti hna kuca la itre ewekë nyine hain.
Hnene la ime maca i nyidrë me iwanakoim ka hmitrötre i nyidrë, hna traqa fë la iamele.*
2 Hnei Iehova hna amamane la iamele* i nyidrë;
Hnei nyidrëti hna qaja amamane la meköt i nyidrë kowe la itre nöj.
3 Hnei nyidrëti hna mekune hmaca la thiina ka loi* i nyidrë memine la aqane nyipici i nyidrë kowe la lapa i Isaraela.
Hnene la itre cane la fene hnengödrai hna öhne la iamele ne la Akötresi së.
4 Epuni asë itretre lapane la fen, sue madrine jë koi Iehova.
Madrine jë, sue madrine jë, nge thinge jë la itre nyima* nyine iatrun.
5 Thinge jë la itre nyima* nyine atrunyi Iehova cememine la arp,
La arp memine la nine ka za,
6 Cememine la itre trutru me mejene trutru,
Sue madrine jë qëmekene la Joxu, ene Iehova.
7 Epi troa ulili la hnagejë memine la itre alien ej,
Memine la fen* me itre ka lapan ej.
8 Epi tro la itre hneopegejë a xexe;
Epi tro la itre wetr a sue madrin
9 Qëmekei Iehova, ke calemi* hë nyidrë troa amekötine la fen.
Tro nyidrëti a amekötine la fen* cememine la meköt
Me itre nöj cememine la nyipici.