Salamo

Epi tro Isaraela a qaja enehila ka hape,

 2 “Qaane lo eni a co, tha cile kö angatr thele isi me eni;

Ngo tha hune kö angatr.

 3 Hnene la itre ka uja dro hna troone la jung;

Hnei angatr hna kuca la itre iumany ka qeadridri hun ej.”

 4 Ngo ka meköti Iehova;

Hnei nyidrëti hna thupa la itre eno ne la itre ka iakötrë.

 5 Ame la itre ka methinë Ziona,

Ke tro angatr a heetrëne la hmahma me bëeke fë la hleuhleu.

 6 Tro hë angatr a tune la haö ka cia hune la itre he ne uma

Ka fitr qëmekene troa fejetrij,

 7 Nge xalaithe hi angatr ngöne la wanakoim ne la atre menuën

Me ngöne la ime ne la atre othe la uke qitr.

“Loi e eje thei epun la manathith qaathei Iehova;

Eahuni a amanathithi epun ngöne la ëje i Iehova.”