Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • 1 Aqane Lapa itre Joxu 10
  • Tusi Hmitrötr Fene Ka Hnyipixe Hna Ujën

Aucune vidéo disponible pour cette sélection.

Désolé, il y a eu une erreur lors du chargement de la vidéo.

1 Aqane Lapa itre Joxu 10:3

Ithuemacany

  • *

    Heb., “öhnyi nyidrë.”

1 Aqane Lapa itre Joxu 10:4

Ithuemacany

  • *

    Maine, “hnyimasai ni.”

1 Aqane Lapa itre Joxu 10:6

Ithuemacany

  • *

    Heb., “itre atrene la hnalapa i nyidrë.”

  • Tusi Hmitrötr Fene Ka Hnyipixe Hna Ujën
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
Tusi Hmitrötr Fene Ka Hnyipixe Hna Ujën
1 Aqane Lapa itre Joxu 10:1-14

Pane Tus i Aqane Lapa Itre Joxu

10 Hnei angetre Filisiti hna isi me angetre Isaraela. Nge hnene la itre soc i Isaraela hna ikötreny, ngo ala nyimu la itre hna humuth hune la wetre Gileboa. 2 Matre hnene la itre soc i angetre Filisiti hna weje huzu Saulo, me itre nekö i nyidrë. Nge hnei angatr hna ea la itre nekö i Saulo, me humuthi Ionathana, me Abinadab, me Maleki-sua. 3 Thupene lai, catrecatre jë hi la isi xötreithi Saulo, nge itre ka huji pehna a pehna* Saulo ju, ene pe, eatre ju hi nyidrë. 4 Matre Saulo a qaja ju kowe la atre ajö jia ne isi i nyidrë ka hape: “Uthe pi la taua i eö, nge thinyi ni ju, wanga axösisi* ni jë, me kuluhmathi ni hnene la itre atre celë, itre hna tha xötrehatren.” Ngo xele kö nyën, ke xou nyën. Matre Saulo a uthe pi la taua i nyidrë, me kei hun ej. 5 Nge ame hë la kola öhn hnene la ka ajö jia ne isi laka, meci hë Saulo, nyën a kei ju fe hune la taua i nyën, nge meci ju fe hi nyën. 6 Haawe, hnei Saulo hna ce mec me köni nekö i nyidrë, nge hna ce meci me angatre la nöjei atre ka isigöli* nyidrë. 7 Matre ame hë la angetre Isaraela ka lapan la hnathup a öhne laka, kötre hë la itre atr, nge meci hë Saulo me itre nekö i nyidrë, angatr a trotrije pi la itre traon, me ikötreny. Matre hnei angetre Filisiti hna traqa pë hë e thupen troa lapan.

8 Haawe, ngöne la drai thupen, lo angetre Filisiti a traqa troa thepe mo, öhne ju hi angatr la ngönetrei Saulo, me itre nekö i nyidrë hune la wetre Gileboa. 9 Angatr a thapa pi la itre mo i Saulo, me thupa la he i nyidrë, me thapa la itre jia ne isi i nyidrë. Thupene lai, angatr a upe pi la itre ka tro fë maca ngöne la nöje Filisiti, troa nuvelëne kowe la itre idrola i angatr, me nöje i angatr. 10 Thupene lai, angatr a amë ju la itre jia ne isi i nyidrë hnine la uma ne hmi ne la haze i angatr, me athipe la he i nyidrë hnine la uma ne hmi i Dagona.

11 Nge ame hë la angetre Iabese-gileada a dreng la nöjei ewekë hna kuca hnei angetre Filisiti koi Saulo, 12 hnene la nöjei atre ka catr hna tro troa xome la itre ngönetrei i Saulo, me itre nekö i nyidrë. Angatr a bëeke fë jë a tro Iabese, me keleme la itre trepe jun fene la isinöe atraqatr e Iabese. Nge hnei angatr hna tha xen koi 7 lao drai.

13 Celë hi aqane mec i Saulo, pine nyidrë tha nyipici koi Iehova. Tha hnei Saulo kö hna drenge la hna amekötin hnei Iehova. Nge hnei nyidrëti hna tro troa wange la ketre ka ithanata me itre ka mec, 14 ngo tha hnyinge pe koi Akötresie. Matre hnei Iehova hna humuthi Saulo, me hamëne la mus koi Dravita nekö i Iese.

Itre Itus Qene Drehu (1997-2025)
Tha Connecter
Connecter
  • Drehu
  • Iupi fë
  • Hna ajan
  • Copyright © 2025 Watch Tower Bible and Tract Society of Pennsylvania
  • Itre Hna Amekötin
  • Pengöne La Ka Thele Ithuemacany
  • Hna amekötin
  • JW.ORG
  • Connecter
Iupi fë