Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • 1 Aqane Lapa itre Joxu 13
  • Tusi Hmitrötr Fene Ka Hnyipixe Hna Ujën

Aucune vidéo disponible pour cette sélection.

Désolé, il y a eu une erreur lors du chargement de la vidéo.

1 Aqane Lapa itre Joxu 13:5

Ithuemacany

  • *

    Maine, “qa ngöne la Sihora.”

  • *

    Maine, “hnë lö ne Hamath.”

1 Aqane Lapa itre Joxu 13:6

Ithuemacany

  • *

    Maine jë, “nyipin.”

  • *

    Heb., “hëne la ëje i nyidrë.”

1 Aqane Lapa itre Joxu 13:11

Ithuemacany

  • *

    Maine, “hleuhleu.”

  • *

    Kola hape, “Palulu la elëhni koi Uza.”

  • Tusi Hmitrötr Fene Ka Hnyipixe Hna Ujën
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
Tusi Hmitrötr Fene Ka Hnyipixe Hna Ujën
1 Aqane Lapa itre Joxu 13:1-14

Pane Tus i Aqane Lapa Itre Joxu

13 Ame hnei Dravita hna isa hnying kowe la itre tane la ala 1000, me ala 100, me itre xa tane ju kö. 2 Thupene lai, öni Dravita kowe la ekalesia ne Isaraela asë ka hape: “Maine ka loi koi epun, nge maine ka meköt koi Iehova Akötresi së, tro sa hëne la nöjei trejin me easë qa ngöne la nöjei nöj e Isaraela, me itre atre huuj, me itre atre Levi qa ngöne la itre hlapa i angatr, matre tro fe angatr a traqa koi së. 3 Nge loi e tro sa bëeke fë la Pua ne la Akötresi së.” Ke ame ngöne la ijine i Saulo, tha hna nyipiewekëne kö la Pua hnene la nöj. 4 Matre hnene la icasikeu hna ce kapa, ke angatr asë hi a mekune ka hape, ewekë ka loi lai. 5 Qa ngöne lai, hnei Dravita hna hën asë la nöje Isaraela, qa ngöne la hneopegejë* ne Aigupito uti hë Hamath,* matre troa xome la Pua ne la nyipi Akötresie, e Kiriatha-iarim.

6 Ame hnei Dravita me Isaraela asë hna elë a tro Baala, ene Kiriatha-iarim, ngöne la nöje Iudra, matre troa xome la Pua Iehova, lo nyipi Akötresie, atre lapane la theron hune* la itre kerubi. Nge itre atr a thith* qëmekene la Pua. 7 Angatr a tro ju koi Abinadab, ngo hnei angatr pe hna atë la Pua ne la nyipi Akötresie hune ikatr ka hnyipixe. Nge Uza me Ahio la lue ka wejemeken. 8 Nge kola catrehnine la aqane feetëne lai hnei Dravita, memine la nöje Isaraela asë qëmeken la nyipi Akötresie. Angatr a nyima, me elone la itre arp, me itre xa nyine elo miuzik ka hetre filen, me itre itrapë, me itre sëbal, me itre trutru. 9 Ngo ame la angatr a traqa kowe la hnë lepelepe qitr e Kidon, hnene la itre kau hna troa akeine la Pua, matre hnei Uza hna li im troa xolouth ej. 10 Ame hna elëhni hnei Iehova koi Uza, ke hnei angeic hna li im troa ea la Pua. Matre hnei nyidrëti hna lep ameci angeic, ene pe, meci ju hi Uza e cili qëmeke i Akötresie. 11 Nge tha madrine kö* Dravita pine Iehova lepi uza. Matre qaane ju hi lai, hna hëne la götrane cili ka hape, Farez-uza.*

12 Matre ngöne la ijine cili, hnei Dravita hna xouene la nyipi Akötresie, nge öni Dravita: “Tro ni a alöne tune kaa la Pua ne la nyipi Akötresie hnine la traoneng?” 13 Qa ngöne lai, tha traqa fë kö Dravita la Pua ne la nyipi Akötresie hnine la Traone i Dravita, lo hna lapa hnei nyidrë. Ngo hnei nyidrëti pe hna amë hnine la hnalapa i Obed-edoma, lo atre Gatha. 14 Matre hnene la Pua ne la nyipi Akötresie hna lapa koi köni treu thene la fami Obed-edoma, hnine la hnalapa i angeic. Nge Iehova a amanathithine la fami Obed-edoma, me nöjei ewekë i angeic.

Itre Itus Qene Drehu (1997-2025)
Tha Connecter
Connecter
  • Drehu
  • Iupi fë
  • Hna ajan
  • Copyright © 2025 Watch Tower Bible and Tract Society of Pennsylvania
  • Itre Hna Amekötin
  • Pengöne La Ka Thele Ithuemacany
  • Hna amekötin
  • JW.ORG
  • Connecter
Iupi fë