Salamo

82 Akötresieti a lapa ngöne la icasikeu e hnengödrai;

Nyidrëti a amekötin nyipine la itre haze:

 2 “Uti hë eu la tro epuni a amekötin ngöne la tria

Nge tro epuni a ië hna hnim me nyixölene la itre atr ka ngazo? (Sela)

 4 Xatuane jë la hna thaipiën memine la ka pë ewekë;

Amele angatre jë qa ngöne la imen ne la itre atr ka ngazo.”

 5 Pëkö hnei angatr* hna atre, nge tha trotrohnine kö angatr;

Angatr a tro ngöne la gaa jidr;

Hna jumejum asë la itre trepene la fene hnengödrai.

 6 “Hnenge hna qaja ka hape, ‘Itre akötresie epun,

Epuni asë la itre nekö ne la Ka Draië Catr.

 7 Ngo tro hë epuni a mec tune la aqane mec la itre atr;

Nge tro hë epuni a kei tune la itre joxu!’”

 8 Akötresieti fe, cile jë nge amekötine jë la fen,

Ke thatraqai nyipëti la nöjei nöj asë.