Hosea

13 “Ame lo Eferaima a ithanata, itre atr a hmengöhmengön;

Hna wangatrunyi angeic e Isaraela.

 2 Angatre pala hi enehila a kuca la ngazo

Me xupe la itre idrola memine la sileva* i angatr;

Angatr a xupe hnyawane la itre idrola, tune la atr ka maca troa huliwa.

 3 Celë hi matre, tro angatr a tune la itre iaw e hmakany,

Tune la xaxapo ka canga patr,

Tune la kupeine qitr* hna ufe hnei wene ngöne la hnë lepe qitr,

Me tune la haj ka tro qa ngöne la hene uma.

 4 Ngo ame ni, eni Iehova la Akötresi ö qaan e Aigupito;

Pëkö ketre Akötresie hnei ö hna atre ngo eni hi,

Pëkö ketre atre iamele ngo eni hmekuje hi.

 6 Meji hë angatr qa ngöne la itre hna axö öni i angatr,

Meji hë angatr, nge pi tru hë la hni i angatr.

 7 Tro hë ni a tune la neköi liona koi angatr,

Me tune la leopar* ka thup e kuhu gojeny.

 8 Tro hë ni a weji angatr tune la ithinene bea ka thele la itre nekön,

Nge tro ni a thöne zezene la imano* i angatr.

Tro ni a öni angatr e cili tune la liona;

Tro la ketre öni wael a hej angazo* angatr.

 9 Isaraela fe, tro ej a apatrenyi eö,

Pine eö icilekeu me eni, ngacama eni hi la ka atrein amele eö.

10 Ekaa kö la joxu i ö, matre tro angeic a amele eö ngöne la nöjei traone i ö?

Nge ekaa kö la itre tane* i ö, lo öni ö koi ni:

‘Hamë ni pi la ca joxu me itre nekö i joxu’?

11 Ngöne la wesitreng, hnenge hna hamë joxu i ö,

Nge ngöne la elëhning, tro hmaca kö ni a xomi angeic.

12 Hna atuthe* la ngazo i Eferaima;

Hna amë acone la ngazo i angeic.

Ngo ketre nekönatr ka pë inamacan angeic;

Ame la kola traqa la ijine hnaho, tha fetra kö angeic.

14 Tro hmaca ni a itö angatr qa ngöne la mene ne la Hua;*

Tro hmaca ni a abëekë angatr qa ngöne la mec.

15 Ngacama angeic a cia hlöeë nyipine la itre rozo,

Ngo troa traqa la enyi ne koië, lo eny i Iehova,

Ka xulu qa ngöne la hnapapa, matre aqaqacilëne la qeqe ne tim me apëne la tim i angeic ka cua.

Tro ha humuthi angatr hnei taua,

Tro ha hna koi etë la itre nekö i angatr,

Nge tro ha kuluhmathe la itre föi angatr ka upune.”