Salamo

125 Ame la itre ka mejiune koi Iehova

Ceitui angatr memine la Wetre Ziona, thatreine kö troa enijën

Nge ka cile hut uti hë epine palua.

 2 Tune la itre wetr a ekögölithi Ierusalema,

Ketre tun, Iehova a ekögölithe la nöje i nyidrë

Qaan enehila nge uti hë epine palua.

 3 Tha tro kö la sine tö ne la ngazo a lapa ngöne la itre hnepadro hna hamën kowe la itre ka meköt,

Matre tha tro kö la itre ka meköt a kuca* la ngazo.

 4 Iehova fe, kuca jë la loi kowe la itre ka loi thiina,

Lo itre ka hetre hni ka meköt.

 5 Ame pë hë la itre ka jea kowe la itre gojenyi ka qaliqali,

Ke tro Iehova a ce helë angatr memine la itre atr ka ngazo.