Salamo

Thatraqane la atre jumi traem; thenge la nin, Seminith.* Salamo i Dravita.

12 Iehova fe, amele ni jë, ke tha mama ha la atr ka nyipici;

Patre hë la itre ka mele nyipici qaathene la itre atr.

 2 Itre atr a ithoikeu;

Angatr a iaö hnene la që i angatr, me ithanata memine la hni ka iaö.*

 3 Ngo tro Iehova a thupatrije la itre ukeineqë ka iaö

Memine la thinem ka pi mama,

 4 Ene la angetre qaja ka hape: “Tro kö huni a catr hnene la thineme hun.

Qanyi huni kö troa iën la aqane huliwan la thineme hun;

Drei la ka troa musinë hun?”

 5 Öni Iehova: “Pine laka, hna axösisin la itre ka akötr,

Pine laka, kola awe la itre ka pë ewekë,

Tro hë ni a mejë me xatua angatr.

 6 Ka pë ethan la itre trengewekë i Iehova;

Kösë sileva hna a 7 lao dreuth ngöne la hu eë dro.*

 7 Iehova fe, tro kö nyipëti a wai angatr;

Tro kö nyipëti a isa thupë angatr qa ngöne la itre atre ce* ka ngazo, uti hë epin.