Iosua
19 Ame la hnaaluene götran hna uthidrönegötiën,* ke thatraqai Simeona, ene la tribu i Simeona, nge hna thawa thenge la itre fami i angatr. Ame la götrane i angatr, ke ej e nyipine la itre götrane i Iudra. 2 Ame la itre götrane i angatr, ke Bere-Seba, me Seba, me Molada, 3 me Hazara-Sual, me Bala, me Azem, 4 me Eletolad, me Bethuela, me Horema, 5 me Zikelag, me Bethe-Marekaboth, me Hazara-Susa, 6 me Bethe-lebaoth, me Saruen: traqa koi 13 lao traon me itre hunahmi ezin; 7 Aina, me Rimona, me Ethera, me Asan: traqa koi 4 lao traon me itre hunahmi ezin; 8 memine fe la nöjei hunahmi xötreith la itre traone cili, uti hë e Balatha-Bere, lo hna ati ëjene fe, Ramath e kolojë. Celë hi la götran hna thawa nyine edrö kowe la tribu i Simeona, thenge la itre fami i angatr. 9 Ame la itre götrane i Simeona, ke hna xome qa ngöne la götran ne la itre matra i Iudra, ke atraqatre pala ha koi angatr. Celë hi matre, hetre hnepadro ne la itre matra i Simeona ngöne la itre götrane i Iudra.
10 Ame la hnaakönine götran hna uthidrönegötiën,* ke thatraqane la itre matra i Zebulona, nge hna thawa thenge la itre fami i angatr. Nge ame la ifego ne la götrane i angatr, ej a tro uti hë e Saridi. 11 Ej a elë a tro kuë e Marala, me Dabaseth thenge, uti hë la hnathup ka qëmeke koi Iokeneama. 12 Ej a tro qa Saridi a tro koië ngöne la hna fetra hnei jö, me tro uti hë la ifego e Kise-Lotha-Tabor, me fetra e Daberath, me elë hmaca a tro Iafia. 13 Qa cili, ej a tro koië ngöne la hna fetra hnei jö, uti hë e Gita-Hefera, me Ita-Kazin, me fetra e Rimona-Methoa, uti hë e Nea. 14 Ame e kolopi, ej a kano a tro Hanathon, me hmaca ngöne la hnathup e Ifetaela; 15 hetrenyi fe la itre xaa traon, ene Kata, me Nahalol, me Simerona, me Idala, me Betheleema: traqa koi 12 lao traon me itre hunahmi ezin. 16 Celë hi la götran hna hamën kowe la itre matra i Zebulona, nge hna thawa thenge la itre fami i angatr. Celë hi la itre traone i angatr, me itre hunahmi ezin.
17 Ame la hna 4 ne götran hna uthidrönegötiën,* ke thatraqai Isakara, ene la itre matra i Isakara, nge hna thawa thenge la itre fami i angatr. 18 Ame la ifego i angatr, ej a Iezerela thenge, me Kesulath, me Sunema, 19 me Haferaim, me Sihon, me Anaharath, 20 me Rabith, me Kiseon, me Abez, 21 me Remeth, me Eni-Ganim, me En-Ada, me Bethe-Pazez. 22 Ame la ifego, ej a Tabora thenge, me Sakazima, me Bethe-Semes, me hmaca ngöne la hneopegejë Ioridrano: traqa koi 16 lao traon me itre hunahmi ezin. 23 Celë hi la götran hna hamën nyine edrö kowe la tribu i Isakara, nge hna thawa thenge la itre fami i angatr. Celë hi la itre traone i angatr, memine la itre hunahmi ezin.
24 Ame la hna 5 ne götran hna uthidrönegötiën,* ke thatraqane la tribu i Asera, hna thawa thenge la itre fami i angatr. 25 Ame la ifego i angatr, ke ej ezin e Helekath, me Hali, me Beten, me Akesafa, 26 me Alamelek, me Amad, me Miseal. Ame e kuë, ej a Karemela thenge, a tro Sihora-Libenath, 27 me bëeke hmaca a tro koië e Bethe-Dagona, me Zebulona thenge, memine la hnathupe i Ifetaela e kolopi, me Bethe-Mek, me Neiel, uti hë e Kabul ngöne la götrane mi. 28 Nge ej a tro e Heberona, me Rehoba, me Hamona, me Kana, uti hë Zidona Ka Tru. 29 Eje hmaca a bëek a tro Rama, uti hë la traon hna eköhagen e Turo. Thupene lai, ej a kano hmaca a tro Hosa, me hmaca ngöne la hnagejë e Akeziba, 30 me Uma, me Afeka, me Rehoba: traqa koi 22 lao traon memine la itre hunahmi ezin. 31 Celë hi la götran hna hamën nyine edrö kowe la tribu i Asera, nge hna thawa thenge la itre fami i angatr. Celë hi la itre traone i angatr, memine la itre hunahmi ezin.
32 Ame la hna 6 ne götran hna uthidrönegötiën,* ke thatraqane la itre matra i Nafatali, hna thawa thenge la itre fami i angatr. 33 Ame la ifego i angatr, ke ej a tro qa Helef me qa ngöne la sinöe ka tru e Zananim, a tro Adami-Nekeb, me Iabenel, uti hë e Lakom; ej a hmaca ngöne la hneopegejë Ioridrano. 34 Ame la ifego i angatr, ke ej a kuë thenge a tro Azenotha-Tabora, uti hë Hukok. E kolojë, ej a Zebulona thenge, e kuë, ej a Asera thenge, nge e koië, ej a Iudra thenge ngöne la hneopegejë Ioridrano. 35 Ame la itre traon hna eköhagen, ke Zidim, me Zeri, me Hamath, me Rakatha, me Kinereth, 36 me Adama, me Rama, me Hazora, 37 me Kadesi, me Ederei, me Eni-Hazora, 38 me Irona, me Migedalel, me Horema, me Beth-Anath, me Bethe-Semes: traqa koi 19 lao traon memine la itre hunahmi ezin. 39 Celë hi la götran hna hamën nyine edrö kowe la tribu i Nafatali, nge hna thawa thenge la itre fami i angatr. Celë hi la itre traone i angatr, memine la itre hunahmi ezin.
40 Ame la hna 7 ne götran hna uthidrönegötiën,* ke thatraqane la tribu i Dana, nge hna thawa thenge la itre fami i angatr. 41 Ame la ifego i angatr, ej a tro ezin e Zorea, me Esetaol, me Ira-Semes, 42 me Salabin, me Aialona, me Iethela, 43 me Elona, me Timenatha, me Ekerona, 44 me Eletek, me Gibethon, me Baalath, 45 me Iehud, me Bene-Berak, me Gatha-Rimona, 46 me Ma-Iarekon, me Rakon, nge ej a tro qëmeken e Iopa. 47 Ngazo pe, coco catr pala ha la götran hna hamën kowe la tribu i Dana. Matre hnene la itre trahmanyi ne Dana hna tro troa isi e Lesem; hnei angatr hna thapa la traon me humuth la itre atren hnei taua. Thupene lai, hnei angatr hna masuan la traon me lapan ej. Hnei angatr hna saze la ëjen ne la traon ne Lesem; hnei angatr hna ati ëjene pena Dana, lo qaaqaa i angatr. 48 Celë hi la götran hna hamën nyine edrö kowe la tribu i Dana, nge hna thawa thenge la itre fami i angatr. Celë hi la itre traone i angatr, memine la itre hunahmi ezin.
49 Celë hi aqane thawa angatre la nöj, göne troa isa thue edrö i angatr. Thupene lai, hnene la angetre Isaraela hna hamë Iosua nekö i Nuna, la ketre götran qa ngöne la nöje i angatr. 50 Thenge la hnei Iehova hna amekötin, hnei angatr hna hamë angeic la traon hnei angeic hna sipon, ene Timena-Sera, ngöne la itre wetr e Eferaima. Ame hnei Iosua hna acil hmaca la traon, me lapan ej.
51 Celë hi la itre götran hnei Eleazara atre huuj, me Iosua nekö i Nuna, memine la itre tixe ne lapa ne la itre tribu ne Isaraela, hna uthidrönegöti* matre troa thewe edrö e Silo, qëmekei Iehova ngöne la hnë lö ne la itat ne icasikeu. Celë hi aqane umuthe angatr la huliwa göne troa thawa la nöj.