Itre Edromë
20 Waina a ukune troa ihnyimasai, nge kahaitr a ukune troa huliwa menu;
Ame la ka jea qa ngöne la jë ne la meköt pine la lue ewekë cili, ke ka tha inamacane kö.
2 Ceitune hi la xou hna axulun hnene la joxu, memine la aqane ho ne la liona;*
Ame la ka amejëne la elëhni i nyidrë, ke ka thele mec.
3 Ame la atr ka xele ma iwesitrë, ke tro ha atrunyi angeic,
Ngo ame pena la itre hmo, ke angatr a lö hnine la iwesitrë.
4 Ame la atr ka geny, ke tha angeice kö a trohneny ngöne la ijine hnötr,
Ame ngöne la ijine troa menu, ngöne la ijin angeic a pë, ke tro hë angeic a sipo trootro.*
5 Ame la itre aliene hni* ne la atr, ke ceitu me itre timi ka jui,
Ngo ame la atr ka atreine waiewekë, ke atreine hi angeice jöe.
6 Ala nyimu la itre atr ka qaja ka hape, ka nyipici angatr,*
Ngo drei la ka atreine öhne la atr ka mele nyipici?
7 Kola huliwa nyipici hnene la atr ka meköt.
Madrine la itre nekö* i angeic ka traqa thupei angeic.
8 Ame la joxu a të hune la therone i nyidrë,
Ke öhn asë hi la luemeke i nyidrë la ngazo.
9 Drei la ka ijij troa qaja ka hape: “Hnenge hna awiëne la hning;
Wië hë ni qa ngöne la ngazong”?
10 Ame la itre wene tulu* ka tria, memine la itre tulu ka isapengön*
Ke lue ewekë lai hna methinën hnei Iehova.
11 Ame fe la nekönatr,* angeic a amamane jëne la itre huliwa i angeic laka,
Ka loi me meköt la aqane ujë i angeic.
12 Ame la hnangenyë ka dreng me alamek ka öhn
Ke Iehova la ka xup lue ej.
13 The pi meköle lapaa kö, wanga tro eö a pë ewekë.
Fe pi la luemeke i ö nge tro ha mana la falawa i ö.
14 Önine la atre itö ka hape: “Ka ngazo, ka ngazo!”
Ase jë hi lai, angeic a tro me selën la hnei angeic hna itön.
15 Hetre gool nge nyimutre la itre korai,*
Ngo ka sisitria kö la ukeineqë ne la atrehmekun.
16 Maine hnene la ketre atr hna sisiny troa të la gufa ne la trenyiwa, ke xome jë la iheetre i angeic;
Maine angeic a kuca lai kowe la föe trenyiwa,* xome pi la hatrene ti gufa thei angeic.
17 Ka hnyapa kowe la atr la falawa hna kapa qa ngöne la hna huliwa iaö,
Ngo e thupen, tro ha tiqa la që i angeic hnei wene etë.
19 Ame la ka silitrengathoi, ke angeic a kötre fë ithanata;
The ce tro lapaa kö memine la atr ka majemine iqej.*
20 Ame la atr ka ejin la kem me thine i angeic,
Ke tro ha pi la laame i angeic ngöne la kola traqa la melöhlem.
21 Ame la edrö hna kapa qa ngöne la hna pi hetreny
Ke tha tro kö a kepe thangan qa ngön.
22 The qaja kö ka hape: “Tro ni a të la ngazo!”
Mejiune jë pe koi Iehova nge tro nyidrëti a amele eö.
23 Methi Iehova la itre wene tulu ka tria,*
Nge ame la troa atriane la itulu, ke tha ka loi kö.
24 Iehova la ka amekötine la itre thupaca ne la atr;
Tro la atr a atre tune kaa la gojenyi angeic?
25 Ketre theth kowe la atr troa sue nyimenyimën ka hape: “Hmitrötr!”
Me mekune pë hë e thupen la hnei angeic hna sisiny.
26 Ame la joxu ka inamacan, ke angeic a isa ijene* la itre atr ka ngazo
Nge angeic a wilë angatr memine la ikatr ne lepelepe qitr.
27 Laame i Iehova la hnamano ne la ketre atr,
Ka thinan la itre ewekë ka jui ne la hni i angeic.
28 Kola thupëne la joxu hnene la ihnimi nyipici me nyipici;
Angeic a acatrene la therone i angeic ngöne la angeic a loi thiina.
29 Ame la elolone la itre nekö trahmany, ke trengecatre i angatr,
Nge ame la emingömingöne la itre qatr, ke iqia i angatr.
30 Kola apatrene* la ngazo hnene la itre eatr me itre kakötr,
Nge kola awiëne la itre mekuna ne la hni hnene la hna lep.