Salamo
Thatraqane la atre jumi traem. Qaathei Dravita, nyine amekunën.
70 Akötresieti fe, amele ni jë;
Iehova fe, canga traqa pi troa xatua ni.
2 Epi troa hmahma me thaipiën
La itre ka thele troa thapa la meleng.
Epi troa zae hnei hmahma
Hnene la itre atr ka madrin troa akötrë ni.
3 Epi tro la itre ka hnyimasai ni me hape: “Loi kö, hnei ö kö lai hna thel!”
A bëeke hmaca me hmahma.
4 Ngo loi e tro la itre ka thele nyipë
A madrin me sue madrin göi nyipë.
Loi e tro pala hi la itre ka ajane la itre huliwa ne iamele i nyipë a qaja ka hape:
“Atrunyi Akötresieti jë!”
5 Ngo pëkö ka isigöli ni nge pëkö ca ewekëng;
Akötresieti fe, canga traqa pi troa xatua ni.
Nyipë la atre xatua ni me amele ni;
Iehova fe, the hmitre kö.