Nyima i Solomona
6 “Hna tro ië la hnimina i ö,
Eö föe ka mingöminge catr?
Hnene la hnimina i ö hna kaa thenge?
Tro huni a ce thele angeic me eö.”
2 “Hnene la hniminang hna ut kowe la hlapa i angeic,
Kowe la götran gaa cia feja ka pui lolo,
Matre engëne la hnënge öni i angeic ngöne la itre hlapa
Me jean la itre lili.
3 Angeice hi la hniminang,
Nge eni hi la hnimina i angeic.
Angeic a engëne la itre öni i angeic nyipine la itre lili.”
4 “Eö hnenge hna hnim, mingöminge catr eö tune la traon ne Tireza,*
Nge mingöminge catr eö tune la traon ne Ierusalema,
Kola hai ö tune la itre trongene isi hna acasin.
5 Ame la eö a goeë ni,
Thatreine pi hi la hning troa lapa tha enij.
Ceitune hi la itre penehe i ö me itro nani
Ka ut qa ngöne la itre wetr e Gileada.
6 Ceitune hi la itre inyö i ö me hnënge mamoe hna hnyipi xötre pen
Ka elë qa ngöne la tim thupen la hna siën.
Nge ka hnaho fini,
Pëkö ala cas ka meci nekön.
7 Ceitune hi la lue itrasitre* i ö hnine la isol,
Memine la wene grenad hna thupa.
9 Ngo casi fe hi la neköi pinying, lo sineeng ka pë ethan.
Hna nekö hnimë angeic hnene la thine i angeic.
Angeic la nekö hnimina* ne la ka hnaho angeic.
Hna öhnyi angeic me qaja aloinyi angeic hnei itre nekö jajiny;
Itre isola me itre föe a öhnyi angeic me hai angeic.
10 ‘Drei jë la föe cili, ka hudrum* tune la uke lai,
Nge ka mingöming tune la dreumatreu,
Nge ka wië tune la lai ne la jö,
Nge hna hain tune la itre trongene isi hna acasin?’”
11 “Hnenge hna ut kowe la hna traa inoa*
Matre wang la itre ziin ka cia ngöne la hnathup,
Matre wang ka hape, xöle jë kö la vin,
Nge enge jë kö la itre grenad.
12 Ngo tha hmitre ju kö,
Nge hnene la aja cili hna aca tro huli ni
Kowe la itre ikariota ne la itre atr ka tru ne la nöjeng.”*
13 “Bëeke jë, bëeke jë föe ne Sulami!
Bëeke jë, bëeke jë,
Matre tro pala hi huni a goeë eö!”
“Hnauëne laka, epuni a haine la föe ne Sulami?”
“Ke ceitu i angeice hi memine la lue xötre fia!”*