Levitiko

1 Nge hnei Iehova hna hë Mose, me ithanata me angeic qa hnine la itat ne icasikeu. Öni nyidrë: 2 “Qaja jë kowe la angetre Isaraela* ka hape: ‘Maine tro la ketre epuni a pi huujëne koi Iehova la ketre öni ka mem, ijiji angeice hi troa huujëne la ketre öni qa ngöne la itre öni ka tru, maine qa ngöne la itre öni ka co.

3 “‘Maine ame la huuj ne dreuth asë i angeic, ke hna xom qa ngöne la itre öni ka tru, loi e tro angeic a huujëne la neköi kau ka pë ethan. Nge tro angeic a tro fë xanën koi Iehova, ngöne la hnë lö ne la itat ne icasikeu. 4 Tro angeic a ati im hune la he ne la öni, nge tro ha kapa hnyawa la huuj ne dreuth asë i angeic, nyine nue la itre ngazo i angeic.

5 “‘Thupene lai, troa humuthe la neköi kau qëmekei Iehova; tro la itre atre huuj ene la itre nekö i Arona, a tro fë la madra me thathan* ngöne la itre götrane la ita ne huuj, ngöne la hnë lö ne la itat ne icasikeu. 6 Troa ule la ikupein ne la öni nyine huujën me thupathupa. 7 Tro la itre atre huuj ene la itre nekö i Arona, a xome la eë me athi eë hune la ita ne huuj. 8 Tro la itre atre huuj ene la itre nekö i Arona, a xome la itre sine mitr ne la huuj ne dreuth asë, memine la hen ej, memine la giris ka atuthe la lue wene thulumat, me atë hune la itre sinöe ngöne la eë ne la ita ne huuj. 9 Tro ha waasin hnei tim la itre ixelen ej, me itre wacan ej; tro la atre huuj a huhajin asë hune la ita ne huuj. Celë hi huuj ne dreuth asë, huuj ne eë ka pui loi koi Iehova.

10 “‘Maine ame la huuj ne dreuth asë i angeic, ke hna xom qa ngöne la itre öni ka co, loi e tro angeic a huujëne la neköi mamoe trahmany, maine ketre nani trahmanyi ka pë ethan. 11 Troa humuth ej qëmekei Iehova, ngöne la götrane kolopi ne la ita ne huuj. Nge tro la itre atre huuj ene la itre nekö i Arona, a thathan* la madran ej ngöne la itre götrane la ita ne huuj. 12 Tro ha thupathupa la öni, nge tro la atre huuj a atë la itre sine mitr, memine la hen ej, memine la giris ka heetrëne la lue wene thulumat, hune la itre sinöe ngöne la eë ne la ita ne huuj. 13 Tro ha wasin hnei tim la itre ixelen ej, me itre wacan ej; tro la atre huuj a huhajin asë hune la ita ne huuj. Celë hi huuj ne dreuth asë, huuj ne eë ka pui loi koi Iehova.

14 “‘Ngo maine angeic a huujëne la itre waco nyine huuj ne dreuth asë koi Iehova, loi e tro angeic a huujëne la itre meketrë, maine itre neköi piny. 15 Tro la atre huuj a tro fë la waco qëmekene la ita ne huuj, me ela la hen ej, me huhajin hune la ita ne huuj. Ngo tro pë hë a nengetrij la madra ezine la ita ne huuj. 16 Tro angeic a huletrij la itrengenan, me hleeth la itre pen, me trij ngöne la götrane koië ne la ita ne huuj, ngöne la götran hna amë la itre hnatresij.* 17 Tro angeic a thë nyipine la lue iapen, ngo tha tro kö a thupaluën ej. Tro la atre huuj a huhajin ej hune la itre sinöe, ngöne la eë ne la ita ne huuj. Celë hi huuj ne dreuth asë, huuj ne eë ka pui loi koi Iehova.