Salamo
Thatraqane la atre jumi traem. Salamo i Dravita.
20 Epi tro Iehova a sa koi ö ngöne la ijin akötr.
Nge epi troa thupë eö hnene la ëjene la Akötresi Iakobo.
2 Qa ngöne la gaa hmitrötr, epi tro nyidrëti a upe koi ö la ixatua
Nge qa Ziona, epi tro nyidrëti a sajuë eö.
3 Epi tro nyidrëti a mekune lo nöjei ahnahna i ö;
4 Epi tro nyidrëti a eatrëne la itre aja ne la hni i ö
Me aejën asë la itre mekuna* i ö.
5 Eahuni a ajan troa sue madrin pine la itre huliwa ne iamele i nyipë;
Tro huni a acile la itre hatren nyine atrune la ëjene la Akötresi hun.
Epi tro Iehova a kapa asë la itre sipo i ö.
6 Atre hë ni enehila laka, Iehova a amelene la hnei nyidrëti hna iën.
Qa ngöne la itre hnengödrai ka hmitrötr, nyidrëti a sa koi angeic
Jëne la itre huliwa ne iamele ka tru,* ka fetra qa ngöne la ime maca i nyidrë.
7 Kola mejiun hnene la itre xan kowe la itre ikatr, nge itre xan kowe la itre hos,
Ngo ame hun, eahuni a hë* koi lehova Akötresi hun.
8 Hnei angatr hna kei me mala,
Ngo ame hun, hne huni hna mejë nge hna cili huni hmaca.
9 Iehova fe, epi amelene la joxu!
Ame ngöne la ijine tro huni a sipo ixatua koi nyidrë, tro kö nyidrëti a sa koi hun.