Salamo
137 Hne huni hna lapa ezine la itre hneopegejë ne Babulona.
E cili, hne huni hna treije meku Ziona.
2 Hne huni hna athipe la itre arpe hun,
Hune la itre sinöe ka cia nyipin ej.*
3 Ke hnene la itre ka othi hun hna sipo huni troa nyima,
Nge itre ka hnyimasai hun a ajane troa madrin, matre öni angatr:
“Thinge jë la ketre nyima ne Ziona koi hun.”
4 Ngo tune kaa la aqane tro huni a thinge la nyima i Iehova
Ngöne la hnepadro trenyiwa?
5 Ierusalema fe, maine tro ni a thëthëhmi ö,
Loi e tro la ime macang a thëthëhmine* la huliwan ej.
6 Loi e tro la thinemeng a fedr ngöne la qëng
E tha tro kö ni a meku eö,
Nge e tha eni kö a xomi Ierusalema
Nyine sipu madrineng.
7 Iehova fe, mekune ju lo hna qaja hnei angetre Edroma,
Lo ijine kola akeinyi Ierusalema:
“Thëtrije pi! Thëtrije pi uti hë la itre trepen ej!”
8 Jajinyi ne Babulona fe, eö la hna troa lep,
Madrine la atr ka troa të la ngazo i ö
Tune la aqane kuca i ö koi hun.
9 Madrine la atr ka troa thapa la itre nekö i ö
Me hna akaqanyi angatr kowe la itre git.