Salamo
Masekil* i Dravita.
32 Madrine hë la atr hna nue la tria, nge hna köletrije la ngazo.
2 Madrine hë la atr hnei Iehova hna jele pë engazon,
Nge ka tha iaö kö la mekun.
3 Ame lo eni a lapa thaup, hna kucakuca la itre juneng, ke eni a xëwe ngöne la drai ka pexej.
4 Ke e lai me jidr, hace koi ni la wesitre* i nyipë.
Patre hë la trengecatreng, tune la tim ngöne la ijine qaqacil. (Sela)
5 Ngo ase hë ni qaja la ngazong koi nyipë;
Tha ase kö ni juetrëne la triang.
Öning: “Tro ni a qaja koi Iehova la itre ngazong.”
Nge hnei nyipëti hna nue la triang me itre ngazong. (Sela)
6 Celë hi matre, tro la nöjei atr ka mele nyipici a thithi koi nyipë
E ijine pala kö.
Matre tha tro kö a hane ketri angatr hnene la di.
7 Nyipëti hi la hnë zaeng;
Tro kö nyipëti a thupë ni qa ngöne la akötr.
Tro nyipëti a ekögölithi ni hnene la itre mejene iamele. (Sela)
8 Ke öni nyipë: “Tro ni a ainamacanë eö me ini ö la gojeny nyine tro eö a trongën.
Pi tro ni a eamo eö, me thupë eö.
9 The tune kö la hos memine la meul, lue öni ka pë inamacan,
Laka, loi e troa xom acon hnene la birit me otrene nyinawa
Qëmekene tro lu ej a easenyi ö.”
10 Nyimutre catre la itre akötrene la atr ka ngazo;
Ngo ame la atr ka mejiune koi Iehova, tro ha ekögölithi angeic hnene la ihnimi nyipici i Nyidrë.
11 Epi tro epuni a öhnyi madrine thei Iehova, eje hi, madrine jë epun itre atr ka meköt;
Sue madrine jë epun, itre ka hetre hni ka meköt.