Salamo

1 Madrine la atr ka tha hane kö trongëne la eamo ne la itre atr ka ngazo

Me cil ngöne la gojenyi ne la itre ka ena la wathebo

Me lapa hune la icea ne la itre ka ihnyimasai.

 2 Ngo angeice pe a madrine la wathebo i Iehova,

Me e me lapa mekun ej e lai me jidr.

 3 Tro hë angeic a tun la ketre sinöe hna traan ezine la tim,

Ka wa wen ngöne la kola traqa la ijin,

Nge tha ka fitre kö la itre drön.

 4 Tha ka tune kö la itre atr ka ngazo;

Ceitu i angatr memine la kupeine qitr* hna ufe enyin.

 5 Celë hi matre, tha tro kö la atr ka iakötrë a cil ngöne la ijine iameköti;

Nge tha tro kö a ce cil la itre atr ka ngazo memine la itre ka meköt.

 6 Ke atre hi Iehova la jë ne la itre ka meköt,

Ngo tro ha patr la jë ne la itre atr ka ngazo.