Malaki
4 “Ke hane hi la kola traqa la drai ka idreuth kösë ifur, drai ne tro la itre ka pi tru me ka iakötrë a tune la jez. Eje hi, tro la drai cili a ulumi angatr asë,” öni Iehova joxu ne la itre trongene isi e hnengödrai, “nge goi tha tro fe a lapa la ketre iwan me picin. 2 Ngo ame kö epun, itre ka atrune* la ëjeng, ke tro la jö ne la meköt a hudrum hui epun, nge troa aloinyi epun hnene la uke lai. Tro hë epuni a sesësesë tune la itre neköi kau ka giris.”
3 “Nge tro epuni a wajawaja la itre atr ka ngazo, ke tro angatr a tune la so ne dro fene la lue ca i epun ngöne la drai ne tro ni a traqa,” öni Iehova joxu ne la itre trongene isi e hnengödrai.
4 “The thëthëhmine kö la trenge wathebo i Mose hlueng, me itre trepene meköt, me itre hna amekötin hnenge hna hamën e Horeba, matre tro la nöje Isaraela asë a trongën.
5 “Goeën! Qëmekene troa traqa la drai i Iehova, ketre drai ka tru nge hna xouen, eni ha upi Eli perofeta koi epun. 6 Tro hë angeic a abëekëne la hni ne la itre kem kowe la itre nekön, me hni ne la itre nekön kowe la itre kem, wanga traqa jë ni troa lepe la ihnadro me apatrene ej.”
(Kola nyipun e ce la Itre Hna Cinyihan Qene Heberu-Arama, nge kola nyiqaane la Itre Hna Cinyihan Qene Geres)