Salamo
112 Atrunyi Ia jë!*
א [Aleph]
Madrine la atre xoue Iehova,
ב [Beth]
Nge ka tru koi angeic la itre wathebo i nyidrë.
ג [Gimel]
2 Tro ha catre la itre matra i angeic e celë fen,
ד [Daleth]
Nge tro ha amanathithine la itre xötre atr ka meköt.
ה [He]
3 Eje ngöne la uma i angeic la itre mo me mani,
ו [Waw]
Nge ka epine palua la meköt i angeic.
ז [Zayin]
4 Tro hë angeic a tune la lai ngöne la gaa mit kowe la itre atr ka meköt.
ח [Heth]
Angeice la ketre atr ka itrotrohni me utipin, nge ka meköt.
ט [Teth]
5 Ka lolo la mele ne la atr ka catre ham.*
י [Yod]
Angeic a huliwane la itre ewekë i angeic cememine la meköt.
כ [Kaph]
6 Tha tro jë kö angeic a enienij.
ל [Lamed]
Tha tro kö a thëthëhmine la atr ka meköt uti hë epine palua.
מ [Mem]
7 Tha tro kö angeic a xouene la maca ka ngazo.
נ [Nun]
Tha tro kö la hni i angeic a hnehengazo, ke angeic a mejiune koi Iehova.
ס [Samekh]
8 Thatreine kö troa enijëne* la hni i angeic, ke tha xou i angeice kö;
ע [Ayin]
Tro hë angeic a goeëne la itre ithupëjia me angeic, kosë ka kei hë.
פ [Pe]
9 Hnei angeic hna thawa atrun,* me hamëne kowe la itre ka pë ewekë.
צ [Tsade]
Ka epine palua la meköt i angeic.
ק [Qoph]
Tro ha tru* la trengecatre i angeic cememine la lolo.
ר [Resh]
10 Tro ha öhne lai hnene la atr ka ngazo, nge tro hë a haitr la mele i angeic.
ש [Shin]
Tro ha kiki la itre inyö i angeic me mec.
ת [Taw]
Tro ha patre la itre aja ne la itre atr ka ngazo.