Salamo
Thatraqane la atre jumi traem; nyine nyiman cememine la itre nyine elo miuzik ka hetre filen. Masekil* i Dravita, ijine kola traqa la angetre Zif thei Saulo troa qaja ka hape: “Dravita a zae the hun.”
54 Akötresieti fe, amele ni jë hnene la ëje i nyipë,
Nge isigöli* ni jë hnene la mene i nyipë.
2 Akötresieti fe, epi drenge ju la thithing;
Hnangenyëne jë la itre trengewekë ne la qëng.
3 Ke cile hë koi ni la itre trenyiwa,
Nge itre ka pë utipin a thele troa humuthi ni.
Pëkö metrötre i angatr koi Akötresie.* (Sela)
4 Goeën! Akötresieti la atre xatua ni;
Ce Iehova memine la itre ka ce xöl me eni.
5 Tro kö nyidrëti a të la ngazo ne la itre ithupëjiang;
Apatrenyi* angatre pi, pine la aqane nyipici i nyipë.
6 Qa kuhu hning, tro ni a tro fë la itre huuj koi nyipë.
Iehova fe, tro ni a atrune la ëje i nyipë, ke celë hi ewekë ka loi.
7 Ke nyidrëti la atre amele ni qa ngöne la nöjei akötreng asë,
Nge tro hë ni a goeën la kola lepe la itre ithupëjiang.