Ieremia

45 Hane hi la hnei Ieremia perofeta hna qaja koi Baruka nekö i Neria, ngöne lo ijine Baruka a cinyanyine la itre hna qaja hnei Ieremia ngöne la tusi hna ewath; kolo hmekune lo hna 4 ne macatre ne musi Iehoiakima nekö i Iosea, joxu ne Iudra:

2 “Hane hi la hna qaja hnei Iehova Akötresi Isaraela, göi ö Baruka: 3 ‘Öni ö: “Ekölöhini pe ni, ke hnei Iehova hna nyixane la akötreng! Hmanono hë ni hna awe, nge pëkö ka atreine xatua ni.”’

4 “Tro eö a qaja koi angeic ka hape: ‘Hane hi la hna qaja hnei Iehova: “Dreng! Ame la hnenge hna xup, ke eni a thëtrij, ame la hnenge hna traan, ke eni a fejetrij, ene la nöj asë. 5 Ame pe, eö a thele thatraqai ö* la itre ewekë ka tru. Loi ju hë hna thele la itre ewekë cili.”’

“‘Ke easenyi hë tro ni a axulune la akötr kowe la nöjei atr asë,*’ öni Iehova, ‘ngo tro pe ni a hamë eö la mele i ö nyine edrö,* ngöne la nöjei götrane hnei ö hna troa tro kow.’”