Salamo
Qaathei Dravita, ngöne lo ijine nyidrëti a thë troa hmo qëmeke i Abimelek, nge hna helë nyidrë hnei Abimelek, ame hna tro hnei Dravita.
א [Aleph]
34 Tru la ajang troa atrunyi Iehova e nöjei drai;
Tro pala hi a lapa ngöne la ukeineqëng la nyine atrunyi nyidrë.
ב [Beth]
ג [Gimel]
3 Ce atrunyi Iehova jë me eni;
Ce adraiëne jë së la ëje i nyidrë.
ד [Daleth]
4 Hnenge hna hnyinge koi Iehova, nge hnei nyidrëti hna sa koi ni.
Hnei nyidrëti hna amele ni qa ngöne la nöjei xoung.
ה [He]
5 Madrine hë la itre ka goeë nyidrë;
Tha hmahma kö la itre qëmeke i angatr.
ז [Zayin]
6 Hna hë hnene la hna methinën, ame hna dreng hnei Iehova.
Hnei nyidrëti hna amele angeic qa ngöne la itre akötre i angeic.
ח [Heth]
7 Kola lapa la angela i Iehova xötreithi angetre xoue Nyidrë,
Me amele angatr.
ט [Teth]
8 Tupathe jë nge atre jë laka, ka lolo Iehova;
Madrine la atre zae thei nyidrë.
י [Yod]
9 Xoue Iehova jë, epuni asë itre ka hmitrötre i nyidrë,
Ke ame la itre ka xoue nyidrë, tha tro kö angatr a pë ewekë.
כ [Kaph]
10 Hna mecijiine fe la itre neköi liona ka catr,
Ngo ame la angetre thele Iehova, tha tro kö angatr a pë ewekë.
ל [Lamed]
11 Trohemi epuni itre neköng, drei ni ju;
Tro ni a ini epun la aqane troa xoue Iehova.
מ [Mem]
12 Drei thei epun la ka pi mel
Me mel aqeany cememine la madrin?
נ [Nun]
13 Qa ngöne lai, xomehnöthe ju la thineme i ö qa ngöne la ngazo,
Me ukeineqë i ö qa ngöne la iaö.
ס [Samekh]
14 Kötrene pi la ngazo, nge kuca jë la loi;
Thele jë la tingeting, nge xötrethengene jë.
ע [Ayin]
15 Luemeke i Iehova a goeëne la itre ka thiina ka meköt,
Nge lue hnangenyë i nyidrëti a drenge la angatr a sipo ixatua.
פ [Pe]
16 Ngo Iehova a methinëne la itre atr ka kuca la ngazo,
Matre tha tro hmaca kö a meku angatr e celë fen.
צ [Tsade]
17 Hna hokötr la itre ka meköt, nge hna drenge hnei Iehova;
Ame hnei nyidrëti hna amele angatr qa ngöne la nöjei akötre i angatr.
ק [Qoph]
ר [Resh]
19 Nyimutre la itre itupath* ne la atr ka meköt,
Ngo hnei Iehova hna amele angeic qa ngöne itre ej asë.
ש [Shin]
20 Nyidrëti a thupëne la itre june i angeic asë;
Pëkö ca ka xeci.
ת [Taw]
21 Tro la akötr a humuthe la atr ka ngazo;
Tro ha upezöne la angetre methinëne la atr ka meköt.
22 Iehova a itöne la mele ne la itre hlue i nyidrë;
Pëkö ca hna troa upezöne thene la itre ka lapa zae thei nyidrë.