Salamo

36 Kola ithanata la ngazo e kuhu hni ne la atr ka isi;

Pëkö xoue Akötresie ngöne la luemeke i angeic.

 2 Ke angeic a sipu wangatrunyi angeice kö

Matre thatreine kö angeic öhne me sisin la tria i angeic.

 3 Ka ngazo me iaö la itre trengewekë ne la që i angeic;

Pëkö nyipi inamacan thei angeic matre kuca la loi.

Angeic a trongëne la gojeny ka tha loi kö;

Tha angeice kö a thipëne la ngazo.

 5 Iehova fe, uti hë hnengödrai la ihnimi nyipici i nyipë,

Nge traqa ha kowe la itre iaw la nyipici i nyipë.

 6 Ceitune la meköt i nyipë me itre wetr atraqatr;*

Ceitune la itre hna amekötin hnei nyipë me itre tim atraqatr nge ka jui.

 8 Tha mano kö angatre iji la itre ewekë ka lolo* ngöne la uma i nyipë,

Nge nyipëti a thue ime i angatr la itre timi ne madrin qaathei nyipë.

 9 Thei nyipëti la qeqe ne mel;

Jëne la lai i nyipë, eahuni a öhne la lai.

10 Catre pi amamane la ihnimi nyipici i nyipë kowe la itre ka atrepengöi nyipë,

Memine la meköt i nyipë kowe la itre hni ka meköt.

11 Loi e tha tro kö a waja huji ni hnene la waca ne la atr ka pi tru

Nge loi e tha tro kö a helë ni hnene la ime ne la itre atr ka ngazo.

12 Kei hë e cili la itre atr ka ngazo;

Hna ukapië angatr nge thatreine hmaca kö angatre cil.