Isaia

 2 Ke eje hi, tro ha heetrëne la fene hnengödrai hnene la jidr

Me heetrëne la nöjei nöj hnei melöhlem;

Ngo tro Iehova a hudrum hui nyipo,

Nge tro ha mama la elolo i nyidrë hui nyipo.

 3 Tro la itre nöj a easeny kowe la lai i nyipo

Nge itre joxu kowe la esisitriane la lai* i nyipo.

Kolo pala hi a traqa qa gaa nanyi la itre nekö i nyipo,

Trahmany me jajiny, lo itre hna xep hune la gö i nyipo.

 5 Tro kö nyipoti a öhn, me madrin ngöne la ijine cili,

Nge tro hë la wenethëhmi i nyipo a manomano me elitrauje hnei madrin,

Ke tro ha tro koi nyipo la itre trengamo qa kuhu hnagejë;

Tro ha traqa koi nyipo la itre ewekë ne la itre nöj.

 6 Tro ha haöthe la nöje* i nyipo hnene la itre kamela ka nyimutre,

Lo itre neköi kamela qa Midiana me Efa.

Tro ha traqa asë la itre atr qa Seba;

Tro angatr a traqa fë gool me libanu.

Tro itre ej a elë hune la ita ne huujeng, nge tro ha kapa itre ej,

Nge tro ni a amingömingöne la umange ka lolo.

 8 Drei la itre ka sesë tune la itre iaw,

Me tune la itre piny ka sesë kowe la uma i nyudren?

 9 Ke tro la itre hnapet a mejiune koi ni;

Kola tro pa la itre he ne Tasesa,*

Matre traqa fë la itre nekö i nyipo trahmanyi qa gaa nany,

Memine la itre sileva me goole i angatr,

Kowe la ëje i Iehova Akötresi nyipo, me kowe la Atre Ka Hmitrötr e Isaraela,

Ke tro nyidrëti a heetrë nyipo hnei lolo.*

10 Tro la itre trenyiwa a xupe la itre hage i nyipo,

Nge tro la itre joxu i angatr a nyihlue i nyipo,

Ke hnenge hna lepi nyipo ngöne la elëhning,

Ngo hnene la ihniming, matre tro kö ni a utipi nyipo.

11 Tro pala hi a fe la itre qëhnelö i nyipo;

Tha tro kö a thing e lai me jidr,

Matre traqa fë koi nyipo la itre ewekë ne la itre nöj,

Nge tro la itre joxu i angatr a amamai gojeny.

12 Ke tro ha patr la nöjei nöj me nöjei baselaia asë, ka tha nyihlue i nyipoti kö,

Tro ha apatrenetrij asë la itre nöje cili.

13 Tro ha traqa thei nyipo la lolo ne Lebanona,

Ene la itre sinöe göti, me tidera, me tasura,

Matre amingömingöne la hnë hming;

Tro ni a atrune la göhnene la lue cang.

14 Tro la itre nekön ne la itre ka axösisi nyipo a traqa troa thil qëmekei nyipo;

Tro la itre ka tha metrötrë nyipo a sa iwatingöneca ngöne la lue hnatrapaca i nyipo,

Nge tro hë angatr a ati ëje i nyipo ka hape, traone i Iehova,

Ziona ne la Atre Ka Hmitrötr e Isaraela.

15 Tha tro hmaca kö a nuetriji nyipo me methinë nyipo, me xele ma wai nyipo,

Tro pe ni a kuca matre tro nyipoti a ketre nöj nyine mama fë epine palua,

Me jëne madrin kowe la nöjei xötr asë.

16 Nge tro nyipoti a ije la meleke ne la itre nöj,

Tro nyipoti a ije la thi ne la itre joxu;

Tro hë nyipoti a atre laka, Iehova ni, Atre Amele nyipo,

Nge ame la Ka Mene i Iakobo, nyidrëti la Atre Itö Mele i nyipo.

17 Tro ni a traqa fë gool nyine nyihnane la kopa,

Me sileva nyine nyihnane la fao,

Me kopa nyine nyihnane la sinöe,

Me fao nyine nyihnane la etë;

Tro ni a acile la ketre tan hui nyipo, ene la tingeting

Memine la ketre tane huliwa, ene la meköt.

18 Tha tro hmaca kö a drei mejene isi ngöne la nöje i nyipo

Me drenge la kola qeje iapatreny me thëtrij e hnine la itre ifego i nyipo.

19 Tha tro hmaca kö a hudrume la jö koi nyipo e lai,

Nge tha tro hmaca kö a melem la treu koi nyipo e jidr,

Ke tro hë Iehova a nyine lai koi nyipo epine palua,

Nge e cili, Akötresi nyipoti la emingömingö i nyipo.

20 Tha tro hmaca kö a lö la jö i nyipo,

Tha tro hmaca kö a patre trootro la treu i nyipo,

Ke tro hë Iehova a nyine lai koi nyipo epine palua,

Nge tro ha fenesi la itre drai ne hnëmec i nyipo.

21 Nge tro ha meköti asë la nöjei atrene la nöje i nyipo;

Tro hë angatr a hetrenyi la nöj uti hë epine palua.

Angatr la ziin hnenge hna traan,

Lo huliwa ne la lue wanakoimeng, matre atrune la emingömingöng.

22 Tro hë la ala xalaith a ala nyimu

Nge tro la ka co a nöje ka catr.