Salamo

Atrune jë la ëje i Iehova;

Epun itre hlue i Iehova, atrunyi nyidrëti jë,

 2 Epun itre ka cil ngöne la uma i Iehova,

Me itre ka cil ngöne la itre ikur ne la uma ne la Akötresi së.

 4 Ke hnei Ia hna ië Iakobo,

Ene Isaraela nyine atu ka co* i nyidrë.

 5 Nyipici, atre hi ni laka, ka tru Iehova;

Draië catre kö la Joxu së hune la itre xaa haze.

 6 Ame asë hi la hnei Iehova hna ajan, ke nyidrëti a kuca

E koho hnengödrai me e celë fen, ngöne la itre hnagejë me nöjei götrane gaa jui.

 7 Nyidrëti a aelëne la itre iaw* qa ngöne la itre cane la fene hnengödrai;

Nyidrëti a ce upe la samek me mani;*

Nyidrëti a upe la eny qa ngöne la itre uma i nyidrë.

 8 Hnei nyidrëti hna humuthe la itre pane nekön qa Aigupito,

Ene la itre atr me itre öni.

 9 Aigupito fe, hnei nyidrëti hna upe la itre hatren me itre iamamanyikeu nyipi ö,

Matre isi me Farao me itre hlue i angeic.

10 Hnei nyidrëti hna akeine la itre nöj ka nyimutre

Me humuthe la itre joxu ka catr

11 Ene Sihona joxu i angetre Amora,

Me Oga joxu ne Basana,

Memine la itre baselaia ne Kanana.

12 Hnei nyidrëti hna hamëne la nöje i angatr nyine edrö,

Edrö koi Isaraela nöje i nyidrë.

14 Tro Iehova a isigöline la nöje i nyidrë,

Nge tro nyidrëti a utipine* la itre hlue i nyidrë.

15 Hna kuca hnei sileva me gool la itre idrola ne la itre nöj,

Nge hna xupe hnei atr.

16 Hetre ineqë i angatr, ngo tha ewekë pe;

Hetre luemeke i angatr, ngo tha öhne pe;

17 Hetre hnangenyë i angatr, ngo tha drenge pe.

18 Tro ha tui angatr hnene la itre ka xupi angatr,

Ketre tune fe kowe la itre ka mejiun koi angatr.

21 Epi troa atrunyi Iehova qa Ziona,

Atre lapa e Ierusalema.