Salamo

48 Draië kö Iehova nge meköt troa atrunyi nyidrë ngöne la traon ne la Akötresi së

Hune la wetr ka hmitrötre i nyidrë.

 2 Mingöming la edraiën ej, nge ej a amadrinëne la ihnadro,

Celë hi la wetre Ziona ngöne la itre götran gaa nany e kolopi,

Ene lo traon ne la Joxu Ka Sisitria.

 3 Ngöne la itre ita ne thup hna eköhagen e cili,

Hnei Akötresieti hna amamane laka, nyidrëti la hna zae* ka cile hut.

 4 Ke öhne hi epun laka, hnene la itre joxu hna icasikeu;*

Hnei angatre hna ce uti asë kowe la traon troa isi.

 6 Ame hna traqa koi angatr la hmengöhmengön,

Tune la akötre ne la föe ka hnaho.

 8 Ame lo hne huni hna drei mejen, öhne hë hun enehila ngöne la traone i Iehova

Joxu ne la itre trongene isi e hnengödrai, lo traon ne la Akötresi së.

 9 Akötresieti fe, eahuni a lapa mekune la ihnimi nyipici i nyipë,

Hnine la uma ne hmi i nyipë.

10 Akötresieti fe, tune la ëje i nyipë

Kola atrunyi nyipë uti hë la itre cane la fene hnengödrai.

11 Epi troa madrine la wetre Ziona,

Nge tro la itre traon* ne Iudra a madrine fë la itre iameköti i nyipë.

12 Tro kanothi Ziona jë, nge tro jë xötreith ej;

E jë la itre ita ne thup e cili.

Waipengöne jë la itre ita ne thup hna eköhagen,

Matre troa qaja kowe la itre xötre atr elany.