Salamo
99 Joxu hë Iehova. Epi tro la itre nöj a hmengöhmengön.
Nyidrëti a lapa hune* la itre kerubi. Nge epi troa jumejume la fene hnengödrai.
2 Atraqatre Iehova e Ziona,
Nge draië kö nyidrë hune la nöjei nöj.
3 Epi tro angatr a atrune la ëje i nyipëti ka draië,
Ke ka hmitrötre me sisitria.
4 Ame Akötresie, ke ketre joxu ka trene men nge ka hnime la meköt.
Hnei nyipëti hna acile hutine la meköt.
Hnei nyipëti hna traqa fë koi Iakobo la iameköti memine la meköt.
5 Atrunyi Iehova jë Akötresi së, nge sa iwatingöneca* ju qëmekene la tane la lue ca i nyidrë;
Hmitrötre nyidrë.
6 Ce Mose me Arona nyipine la itre atre huuje i nyidrë,
Nge Samuela nyipine la itre ka hëne la ëje i nyidrë.
Hnei angatr hna hë koi Iehova,
Nge nyidrëti a sa koi angatr.
7 Hnei nyidrë hna ithanata koi angatr qa hnine la iaw ka cile meköt.
Hnei angatr hna trongëne la itre hna ahnith memine la itre wathebo hnei nyidrëti hna hamë angatr.
8 Iehova fe Akötresi hun, hnei nyipëti hna sa koi angatr.
Ame koi angatr, nyipëti la Akötresie ka nue la itre ngazo,
Ngo hnei nyipëti hna nyithupene la itre ngazo i angatr.
9 Haawe, atrunyi Iehova jë Akötresi së
Nge thili* ju qëmekene la wetr ka hmitrötre i nyidrë,
Ke hmitrötre Iehova Akötresi së.