Iobu

 2 Ke nemene pë hë la edrönge qaathene la Akötresie e koho,

La thupeng qaathene la Ka Tru Trenge Men e koho?

 3 Hapeu, tha hnëjine kö a alamekëne la atre ka ngazo

Me akötre kowe la itre ka kuca la ngazo?

 4 Nge hapeu, tha öhne kö Akötresieti la aqane ujëng

Me e la itre hnenge hna feke ca?

 6 Nga loi e tro Akötresieti a tuluthi ni hnene la tulu ka meköt;

Matre tro nyidrëti a öhne la aqane mele nyipicing.

 7 Maine kola jea la lue cang qa ngöne la gojeny

Nge tro la hning a kei thenge la luemekeng

Maine troa apuingazone la lue imeng,

 8 Loi e tro la ketre atr a xeni la hnenge hna jum,

Me jel la hnenge hna traan.*

 9 Nge maine hna ahmone la hning hnene la ketre föe

Nge eni a thup hmekune la qëhnelö ne la atre lapa ezi ni matre ce meköl memine la föi angeic,

10 Loi e tro la föeng a amudromudron la qitr kowe la ketre trahmany,

Nge tro la itre xa trahmany a ce meköl me angeic.*

11 Ke ewekë lai nyine hmahman,

Nge ketre ngazo lai nyine troa amekötin hnene la itretre amekötin.

12 Tro lai a tune la eë ka catrehnin ka apatren asë,*

Me dreuthetrij itre ej uti hë la itre iwaan ej.*

13 Maine hnenge hna cipane la meköt kowe la itre hlueng, trahmanyi me föe

Ngöne la angatr a iwesitrë* me eni,

14 Nemene hë la nyine tro na kuca e tro Akötresieti a ameköti ni?*

16 Nge maine hnenge hna cipan kowe la itre ka pë ewekë la hnei angatre hna ajan

Me ahleuhleune la luemeke ne la sine föe;

17 Me xeni cas la kemejing

Me xele ma ce thawa memine la itre nekön hna mecitrij;

18 (Ke qaane lo eni a nekö trahmany, hnenge hna hia nyën* kösë eni la sipu keme i nyën,

Nge qaane lo kola hnaho ni*, hnenge pala hi hna thupëne la sine föe.)*

19 Nge maine eni a öhne la atr ka meci hnei hnötr

Memine la ka pë ewekë nge pëkö hnei angeic hna hetrenyi troa sitrën;

20 Nge maine tha hnei angeice* kö hna amanathithi ni

Pine eni tha hamëne la itre pene mamoeng matre tro angeic a keukawa;

21 Maine hnenge hna mekune troa xejë la imeng kowe la nekön hna mecitrij

Lo angeic a aja ixatua ngöne la qëhnelö ne la traon;*

22 Loi e troa feke la imeng qa ngöne la hnaiapeng,

Me xeci hmekune la iwatingöne im.*

23 Ke hnenge hna xouene la akötr qaathei Akötresie,

Nge thatreine kö ni troa cil qëmekene la elolo i nyidrë.

24 Nge maine hnenge ju hna mejiun kowe la gool

Me qaja kowe la nyipi gool ka hape: ‘Eö la hnë zaeng!’

25 Maine hnenge ju hna madrine fë la itre ewekëng

Pine laka, tru catre la hnenge hna hetreny;

26 Nge maine hnenge ju hna öhne la jö* e hudrum

Memine la emingömingöne la treu la ej a kano;

27 Nge maine hna amenune juetrëne la hning,

Nge maine hnene la qëng hna dreme la iwanakoimeng nyine nyihlue i nyidro;

28 Celë hi ketre ngazo nyine troa tro fë kowe la itretre amekötin,

Ke hnenge hna thipetrije la nyipi Akötresie e koho hnengödrai.

29 Nge hapeu, hnenge kö hna madrine la kola apatrene la ithupëjia me eni

Me hnyima la kola akötrë angeic?

30 Tha hnenge kö hna nue la qëng troa ithanata menu

Me sisinyi matre tro angeic a mec.

31 Nge hapeu, tha hnene kö la itre atrene la itateng hna qaja ka hape,

‘Drei la ka tha xeni mej* thei Iobu?’

32 Nge pëkö ca trenyiwa ka meköl e kuhu gojeny;

Ke hnenge pala hi hna fe la qëhnelöng kowe la itre ka tro.

33 Nge hapeu, hnenge kö hna thele troa he la itre ngazong tune la itre xa atr,

Me juetrëne la itre triang ngöne la iheetreng?

34 Nge hnenge kö hna xouene la ka ala nyim

Me cile hnö ngöne la kola methinë ni hnene la itre xa fami?

Tro kö la xou a xomehnöthe la qëng me upi ni troa lapa hnalapa?

36 Tro hë ni a ajön ej hune la hnaiapeng,

Me petrën ej tune la ketre korona.

37 Nge tro hë ni a qaja koi Akötresie la hnenge hna kuca;

Me easenyi nyidrë tune la aqane tro ne la nekö i joxu.

38 Nge maine tro la hnepadrong a cile koi ni

Nge tro la dro a treij;

39 Nge maine hneng hna xeni gufan la itre wenen ej,

Nge maine tro la atrekë zin a hleuhleu pine la hnenge hna kuca;

40 Loi e troa cia koi ni la itre ka ithiny hnane la qitr

Memine la haö ka pi, hnane la bali.”