Salamo

Drenge hnyawa ju epun itretre lapane la fen,*

 2 Itre ka co me itre ka tru,*

Itre trenamo me ka pë ewekë.

 3 Tro la qëng a qaja la itre trengewekë ka inamacan,

Nge tro la itre mekuna ne la hning a tiqa hnei wangatrehmekun.

 4 Tro ni a nyipiewekëne la ketre edromë;

Tro ni a qejepengöne la ijelaxötra* memine la mejene arp.

 5 Hnauëne laka, tro ni a xou ngöne la ijin akötr,

Ngöne la kola kanothi ni hnene la itre ka* thele troa akeinyi ni?

 6 Ame la itre ka mejiune kowe la mani i angatr

Nge ka selëne la itre trengamo i angatr,

 7 Pë fe kö ala casi thei angatr ka atreine itöne la trejin me angatr

Maine hamëne koi Akötresie la thupene mel thatraqane la atre cili,

 8 (Ke ka tru thupene pala ha la mele ne la atr

Matre pë fe kö mani ka ijij troa itön ej);

 9 Tro angeic a mel epine palua me triane la Hua.

10 Isa öhne kö së laka, kolo fe a mec hnene la itre ka inamacan;

Kola ce meci la hmo memine la xeti he,

Nge ewekë i itre xane pë hë la mani i angatr.

11 Ame la aja i angatr e kuhu hni i angatr, ke troa cile huti la hnalapa i angatr,

Me itre itate i angatr uti hë la itre xötre atr elany.

12 Ngazo pe, maine tro ju hë a atrune la ketre atr, ngo tro pala hi angeic a mec;

Ceitu i angeice hi memine lo itre öni ka mec.

13 Celë hi la pune kowe la itre hmo

Me itre ka xötrethenge angatr, itre ka pi drenge la itre ithanata ka pë aliene i angatr. (Sela)

Tro la mec a thupë angatr;

E hmakany, tro la itre atr ka meköt a musinë angatr.

Tro angatr asë a patr;

Tro pë hë a nyihnane la uma ka tru i angatre hnei Hua.*

15 Ngo tro kö Akötresie a itöne hmaca la meleng qa ngöne* la Hua,

Ke tro nyidrëti a ea catrë ni. (Sela)

16 The xouene kö la kola trenamo la ketre atr,

Nge kola mingöminge catre la uma i angeic,

17 Ke e meci hë angeic, lapa pe kö la itre ewekë i angeic;

Tha tro kö la elolo i angeic a ce uti me angeic.

20 Celë hi matre, ngacama hna atrune la ketre atr, ngo e tha trotrohnine kö angeic la nyipici celë,

Ceitu i angeice hi memine la itre öni ka mec.