Salamo

67 Tro kö Akötresieti a kepe së me amanathithi së;

Tro nyidrëti a ahudrumene la qëmeke i nyidrëti koi së (Sela)

 2 Matre tro huni a atre la jë i nyipëti e celë fen,

Me itre huliwa ne iamele i nyipë nyipine la nöjei nöj.

 3 Akötresieti fe, epi tro la nöjei atr a atrunyi nyipë;

Loi e tro la nöjei atr asë a atrunyi nyipë.

 4 Epi tro la itre nöj a madrin me sue madrin,

Ke tro nyipëti a amekötine hnyawan la nöjei atr.

 5 Akötresieti fe, epi tro la itre atr a atrunyi nyipë;

Loi e tro la nöjei nöj a atrunyi nyipë.

 6 Tro la ihnadro a hamën la itre wen ka xulu qa ngön ej;

Tro ha amanathithi së hnei Akötresie, ene lo Akötresi së.

 7 Tro kö Akötresieti a amanathithi së,

Nge tro la itre cane la fene hnengödrai a xoue* nyidrë.