Salamo
Masekil.* Thith i Dravita, lo angeic ngöne la ngönemenyi.
142 Hnene la nineng, eni a sipo ixatua koi Iehova;
Hnene la nineng, eni a xëwe koi Iehova.
2 Qëmekei nyidrë, eni a qaja la hnenge hna hnehengazon;
Qëmekei nyidrë, eni a qaja amamane la akötreng
3 La kola pë trengecatreng.
Celë hi matre nyipëti a goeëne la gojenying.
Ame ngöne la hmene gojeny hnenge hna trongën,
Angatr a juetrëne la ketre theth thatraqai ni.
4 Goeëne ju la götrane macang
Nge troa mama laka, pëkö atr ka nyipi ni.*
Pëkö jë ne kötreng;
Pëkö ka hnehengazo ni.
5 Iehova fe, eni a xëwe koi nyipë.
Eni a qaja: “Nyipëti la hnë zaeng,
Nge nyipëti pe hi la hnenge hna hetreny* ngöne la nöj ne la itre ka mel.”
6 Drenge ju la eni a hë,
Ke pëhë trengecatreng.
Amele ni jë qaathene la itre ka iakötrë,
Ke catre kö angatr hui ni.
7 Xomi ni pi qa hnine la kalabus
Matre tro ni a atrune la ëje i nyipë.
Loi e tro la itre ka meköt a ekögölithi ni
Ke ka lolo la aqane thupë ni hnei nyipë.