Nehemia

7 Ame hë la kola ase xupe hmaca la ihag, hnenge hna acile la itre thingene qëhnelö ne la traon. Nge ngöne la ijine cili, hna acile fe la itre ka thupë qëhnelö, me itre ka nyima, me angetre Levi ngöne la isa hnëqa i angatr. 2 Nge hnenge hna ahnithe la mus e Ierusalema koi Hanani trejine me eni, me koi Hanania tane lo Uma Ka Draië Ne La Itre Sooc, ketre atre hna mejiune kow, nge ka xouene la nyipi Akötresie hune la itre xan. 3 Matre öninge koi nyidro: “Ame e lai, tro hi a fe la itre qëhnelö ne Ierusalema, hmekune la ijine hedredrei catr. Nge ame la hë la kola thup hnene la itre ka thupë qëhnelö, tro angatr a thinge la itre qëhnelö me lokan. Nge tro fe epon a upe la itre xa atre Ierusalema troa thup, itre xan ngöne la itre göhnë ne thup hna amekötin, nge itre xan qëmekene la itre uma i angatr.” 4 Ngo eje hi laka, ka isaisa nge ka tru la traon, nge co hi la itre ka lapan, nge tha hna xupe pala kö la itre uma.

5 Matre hnene la Akötresing hna uku* ni troa hëne la itre hene ka tru, me itre ka isenyin, memine la nöj, matre troa siji ëje i angatr hnine la itre tusi ne la itre xötr atr. Thupene lai, hnenge hna öhne la itre tus ne la itre xötr atr, lo itre ka bëeke pa, nge hane hi la hna cinyihan:

6 Hane hi la itre ëjene la itre ka bëeke qa ngöne la nöje trenyiwa, lo itre atrene la itre provës hna xom hnei Nebukaneza joxu ne Babulona, nge ka bëeke hmaca a tro Ierusalema me Iudra, ngöne la isa traone i angatr, 7 itre ka ce traqa me Zerubabela, me Iesua, me Nehemia, me Azaria, me Raamia, me Nahamani, me Modikai, me Bilesan, me Misepereth, me Bigevai, me Nehum, me Baana. Hane hi la etrune la itre trahmanyi qa Isaraela: 8 Itre nekö* i Paros, ala 2172; 9 itre nekö i Sefata, ala 372; 10 itre nekö i Ara, ala 652; 11 itre nekö i Pahatha-moaba, qaathene la fami i Iesua me Ioaba, ala 2818; 12 itre nekö i Elama, ala 1254; 13 itre nekö i Zatu, ala 845; 14 itre nekö i Zakai, ala 760; 15 itre nekö i Binui, ala 648; 16 itre nekö i Bebai, ala 628; 17 itre nekö i Azegada, ala 2322; 18 itre nekö i Adonikama, ala 667; 19 itre nekö i Bigevai, ala 2067; 20 itre nekö i Adin, ala 655; 21 itre nekö i Atera, qaathene la fami i Hezekia, ala 98; 22 itre nekö i Hasum, ala 328; 23 itre nekö i Bezai, ala 324; 24 itre nekö i Harif, ala 112; 25 itre nekö i Gibeona, ala 95; 26 itre trahmanyi qa Bethe-leema me Netofa, ala 188; 27 itre trahmanyi qa Anathoth, ala 128; 28 itre trahmanyi qa Beth-azemaveth, ala 42; 29 itre trahmanyi qa Kiriatha-iarim, me Kefira, me Berotha, ala 743; 30 itre trahmanyi qa Rama, me Geba, ala 621; 31 itre trahmanyi qa Mikemas, ala 122; 32 itre trahmanyi qa Bethela me Ai, ala 123; 33 itre trahmanyi qa ngöne la ketre Nebo, ala 52; 34 itre neköne la ketre Elama, ala 1254; 35 itre nekö i Harim, ala 320; 36 itre nekö i Ieriko, ala 345; 37 itre nekö i Lod, me Hadid, me Ono, ala 721; 38 itre nekö i Senaa, ala 3930.

39 Hane hi la etrune la itre atre huuj: Itre nekö i Iedaia, qa ngöne la fami Iesua, ala 973; 40 itre nekö i Imer, ala 1052; 41 itre nekö i Pasur, ala 1247; 42 itre nekö i Harim, ala 1017.

43 Hane hi la etrune la angetre Levi: Itre nekö i Iesua me Kademiel, qa ngöne la fami i Hodavia, ala 74. 44 Hane hi la etrune la itre ka nyima: Itre nekö i Asafa, ala 148. 45 Hane hi la etrune la itre ka thupë qëhnelö: Itre nekö i Saluma, itre nekö i Atera, itre nekö i Talemon, itre nekö i Akub, itre nekö i Hatita, itre nekö i Sobai, ala 138.

46 Ngöne la gurup ne la itre hlue ne la uma ne hmi,* kola e la itre nekö i Ziha, me itre nekö i Hasufa, me itre nekö i Tabaoth, 47 me itre nekö i Keros, me itre nekö i Sia, me itre nekö i Padona, 48 me itre nekö i Lebana, me itre nekö i Hagaba, me itre nekö i Salemai, 49 me itre nekö i Hanan, me itre nekö i Gidel, me itre nekö i Gaha, 50 me itre nekö i Reaia, me itre nekö i Rezina, me itre nekö i Nekoda, 51 me itre nekö i Gazam, me itre nekö i Uza, me itre nekö i Pasea, 52 me itre nekö i Besai, me itre nekö i Meunim, me itre nekö i Nefusim, 53 me itre nekö i Bakebuk, me itre nekö i Hakufa, me itre nekö i Harehur, 54 me itre nekö i Bazeluth, me itre nekö i Mehida, me itre nekö i Haresa, 55 me itre nekö i Barekos, me itre nekö i Sisera, me itre nekö i Tama, 56 me itre nekö i Nezia, me itre nekö i Hatifa.

57 Ngöne la gurup ne la itre neköne la itre hlue i Solomona, kola e la itre nekö i Sotai, me itre nekö i Sofereth, me itre nekö i Feruda, 58 me itre nekö i Iaala, me itre nekö i Darekon, me itre nekö i Gidel, 59 me itre nekö i Sefata, me itre nekö i Hatil, me itre nekö i Pokereth-zebaim, me itre nekö i Amona. 60 Nge maine troa e asë la itre hlue ne la uma ne hmi,* me itre neköne la itre hlue i Solomona, ala 392 angatr.

61 Hane hi la etrune la itre ka feke qa Telemela, me Tele-haresa, me Kerubi, me Adan, me Imer. Ngazo pe, thatreine kö angatr anyipicin laka, angetre Isaraela angatr, maine qaja la lapa i angatre pena: 62 Itre nekö i Delaia, me itre nekö i Tobia, me itre nekö i Nekoda, ala 642. 63 Nge thene la itre atre huuj: Itre nekö i Habaia, me itre nekö i Koz, me itre nekö i Bazilai, lo ka xomi föe thene la itre nekö i BaziIai qa Gileada, nge ka xome la ëjene la hmihmi angeic. 64 Hnei angatre lai hna thele la ëje i angatr hnine la itre itusi ne xötr atr i angatr, matre anyipicine la lapa i angatr, ngo tha öhne ju kö. Qa ngöne lai, tha hna nue* angatre kö troa itre atre huuj. 65 Nge hnene la gavena* hna wathebo angatr troa xeni la itre xen ka hmitrötr, e pëkö atre huuj ka ijije troa hnyinge koi Akötresie jëne Urim me Thumim.*

66 Nge ame la etrun ne la itre gurup,* ke 42360. 67 Nge tha hna e kö la 7337 lao hlu, itre trahmanyi me föe, nge ce angatr me 245 lao trahmanyi me föe ka nyima. 68 Nge thei angatre la 736 lao hos, me 245 lao miul, 69 me 435 lao kamela, me 6720 lao boliko.

70 Hnene la itre xa tixe ne lapa hna tro fë huuj göne la itre huliwa. Nge hnene la gavena* hna hamën kowe la itre ka e mani, la 1000 lao dakeri* gool, me 50 lao kap, me 530 lao iheetre ka qea ne la itre atre huuj. 71 Nge hnene la itre xa tixe ne lapa hna hamën kowe la itre ka e mani göne la huliwa, la 20000 lao dakeri gool, me 2200 lao mina* sileva. 72 Nge hnene la munëne la nöj hna hamëne la 20000 lao dakeri gool, me 2000 lao mina sileva, me 67 lao iheetre ka qea ne la itre atre huuj.

73 Ame hnene la itre atre huuj, me angetre Levi, me itre ka thupë qëhnelö, me itre ka nyima, me itre hlue ne la uma ne hmi,* memine la munëne la nöj, hna lapa ngöne la isa traone i angatr. Celë hi aqane lapane la angetre Isaraela la itre traone i angatr. Matre ame hë la kola traqa la hna 7 ne treu, angetre Isaraela fe hë a lapane la itre traone i angatr.