Salamo
Nyima ne Elë. Qaathei Dravita.
127 Maine tha Iehova kö la ka xupe la uma,
Ke ka gufa la huliwa ne la itre ka xupi uma.
Maine tha Iehova kö la ka thupëne la traon,
Ke ka gufa la huliwa ne la itre ka thup.
2 Ka gufa la tro epuni a ihlë e hmakany,
Me hlë jidr,
Me huliwa mec troa thele xen,
Ke nyidrëti a hamën la ka nyipiewekë kowe la itre hnimina i nyidrë, me aijijë angatr troa meköle hnyawa.
3 Goeën! Edrö së qaathei Iehova la itre nekönatr;
Ame la wene ne la hni, ke ketre ahnahna qaathei nyidrë.
4 Ceitune hi la itre nekö ne thupëtresij,
Memine la itre ane pehna ngöne la iwanakoim ne la atr ka catr.
5 Madrine la atre nyialiene la trengene pehna i angeic.