Salamo

 2 Qëmeken troa hnahon* la itre wetr

Me xupe la fen memine la ihnadro,

Qaane ekö nge uti hë epin,* nyipëti hi la Akötresie.

 3 Nyipëti a abëekëne la atr kowe la xaxau;

Öni nyipë: “Itre nekö i atre fe, bëeke jë kowe la xaxau.”

 4 Ke ceitune hi koi nyipë la 1 000 lao macatre memine la drai eidr,

Nge kösë ketre sine la jidr.*

 5 Nyipëti a apatrene la itre atr; nge angatr a patr tune la ketre pu;

Ame e hmakany, angatr a tune la haö ka cia.

 6 Ame e hmakany, ej a eng me cia hnyawa,

Ngo ame e hej, ej a fitr me qaqacil.

 7 Ke eje hi, eahuni a patr hnene la elëhni i nyipë

Me hmengöhmengön hnene la trenge elëhni i nyipë.

 8 Nyipëti a amë la itre ngazo hun qëmekei nyipë;*

Ngöne la lai ne la iqëmeke i nyipë, hna amaman la itre ewekë hne huni hna juetrën.

 9 Nyimenyime la itre drai* hun pine la trenge elëhni i nyipë;

Nge patre trootro hë la itre macatre hun tune la hnamano.

10 Ame la etrune la itre drai ne mele hun, ke traqa koi 70 lao macatre,

Maine 80 lao macatre e ka egöcatre pala kö.*

Ngo tru hnei akötr me hleuhleu;

Saqe catr la mel, matre easa patr.

12 Ini huni jë troa e la itre drai hun

Matre tro huni a hetrenyi la hni ka inamacan.

14 Ameji huni jë e hmakany hnene la ihnimi nyipici i nyipë,

Matre tro huni a sue madrin me madrin ngöne la itre drai ne mele hun.

15 Akötresieti fe, epi ceitu hi la etrune la itre drai ne madrine hun memine la itre drai hnei nyipëti hna akötrë hun,

Ketre tune fe la itre macatre hne huni hna melëne la akötr.

16 Epi tro la itre hlue i nyipëti a öhne la huliwa i nyipë,

Nge tro la itre nekö i angatr a öhne la esisitria i nyipë.

17 Epi tro Iehova Akötresi së a kepe së;

Epi tro nyipëti a nyi thangane* la huliwa ne la lue ime hun.