Isaia

32 Tro la joxu a mus thatraqane la meköt,

Nge tro la itre tane a amekötine thenge la meköt.

 2 Nge tro angatr a tune la ketre hnë zae* e ijine eny,

Me ketre hnapo* kowe la wene,

Me tune la itre tim ngöne la gaa qaqacil,

Me tune la gaa xapo ne la giti atraqatr ngöne la hnapapa.

 3 Tha tro hmaca kö a fedr la luemekene la itre ka goe,

Nge tro la hnagenyë ne la itre ka dreng a drenge hnyawa.

 4 Tro la itre ka elëelëhni a lapa mekune la ini,

Nge tro la thineme ne la itre ka tretreqë a maca me ewekë hnyawa.

 5 Tha tro hmaca kö a qaja ka hape, ka ham la hmo,

Me göne la atr ka pë trepene meköt ka hape, nyine metrötrën;

 6 Ke tro la ka hmo a ithanata menu,

Nge tro la hni i angeic a thë la ngazo,

Matre aciane la icilekeu* me qaja la itre ewekë ka tria göi Iehova,

Me nue la ka mecijin troa thë xen

Me cipa imene la ka pi ij.

 7 Ame la atr ka pë trepene meköt, angeic a kuca la itre nyinyithiina;

Angeic a iuku troa kuca la itre ewekë nyine hmahman

Matre luzi pi la hna akötrën hnene la itre trengathoi,

Ngacama kola qaja la nyipici hnene la atr ka pë ewekë.

 8 Ngo ame la atre ham, angeic a ham qa kuhu hni,

Nge angeic a catr eköth la itre nyipi huliwa.

10 Itre ka inagala fe, thupene la ca macatre, tro epuni a hmengöhmengön,

Ke pëkö ca wene rezë hna troa huj ngöne la ijine menu.

Uni iheetre pi,

Nge siligöne ju la itre ibëek ka tru thenyin.

12 Xexe jë la itre imano i epun

Treije pine jë la itre hlapa ka mingöming memine la hlapa vin ka wa wen.

13 Ke troa haöthe la ihnadro ne la nöjeng hnene la itre ka ithiny me itre hnitr;

Tro itre ej a heetrën asë la itre uma ne madrin ekö,

Ene lo traon ne sue madrin.

14 Ke asë hë nuetrije la ihag atraqatr;

Ase hë nue la traone ka nyi mejen.

Tro pë hë a nuetrije la Ofela* memine la ita ne thup,

Tro hë itre ej a nyi paradraiso kowe la itre boliko wael,

Me hnë xeni trootro ne la hnëng öni,

15 Tro pala hi lai a tun, uti hë la troa nenge hu së la uati qa koho,

Nge uti hë la troa nyi hlapa sinöe* la hnapapa,

Nge tro la hlapa sinöe a tune la ketre hnaxulu.

16 Tro hë la thiina ka meköt a lapa ngöne la hnapapa,

Nge tro la meköt a mel ngöne la hlapa sinöe.*

17 Tro la nyipi meköt a axulune la tingeting,

Eje hi, tro ej a traqa fë la mele ka loi nge pëkö hnei angatr hna troa xouen epine palua.

18 Tro la nöjeng a lapa ngöne la gaa tingeting,

Me lapane la itre uma gaa xeut,* me ngöne la itre hnë mano gaa lolo.

19 Ngo tro la wene mani ka catr a kei tran la hnaxulu,

Nge tro ha apatrene trije la traon.

20 Madrine jë epun itretre jumi feja* ngöne la gaa hetre tim,

Me itre ka senge* la kau me boliko.”