Salamo
136 Olene jë koi Iehova, ke ka lolo nyidrë;
Ka epine palua la ihnimi nyipici i nyidrë.
2 Olene jë kowe la Akötresie ne la nöjei akötresie,
Ke ka epine palua la ihnimi nyipici i nyidrë.
3 Olene jë kowe la joxu ne la nöjei joxu,
Ke ka epine palua la ihnimi nyipici i nyidrë.
4 Nyidrëti casi hi la ka kuca la itre ewekë nyine hain,
Ke ka epine palua la ihnimi nyipici i nyidrë.
5 Hnei nyidrëti hna xupe la hnengödrai cememine la inamacan,
Ke ka epine palua la ihnimi nyipici i nyidrë.
6 Hnei nyidrëti hna seluthe la ihnadro hune la itre tim,
Ke ka epine palua la ihnimi nyipici i nyidrë.
7 Hnei nyidrëti hna xupe la itre ka thinane la ihnadro,
Ke ka epine palua la ihnimi nyipici i nyidrë,
8 Ene la jö ka musinëne la lai,
Ke ka epine palua la ihnimi nyipici i nyidrë,
9 Memine la treu me itre wëtresij ka musinëne la jidr,
Ke ka epine palua la ihnimi nyipici i nyidrë.
10 Hnei nyidrëti hna humuthe la itre pane nekön ne Aigupito,
Ke ka epine palua la ihnimi nyipici i nyidrë.
11 Hnei nyidrëti hna lö sai Isaraela qaathei angatr,
Ke ka epine palua la ihnimi nyipici i nyidrë,
12 Hnene la ime hna saath me iwanakoime ka catre i nyidrë,
Ke ka epine palua la ihnimi nyipici i nyidrë.
13 Hnei nyidrëti hna thawaluëne la Hnagejë Ka Palulu,
Ke ka epine palua la ihnimi nyipici i nyidrë.
14 Hnei nyidrëti hna tro sai Isaraela nyipin ej,
Ke ka epine palua la ihnimi nyipici i nyidrë.
15 Hnei nyidrëti hna kuië Farao me trongene isi i angeic ngöne la Hnagejë Ka Palulu,
Ke ka epine palua la ihnimi nyipici i nyidrë.
16 Hnei nyidrëti hna eatrongën la nöje i nyidrë nyipine la hnapapa,
Ke ka epine palua la ihnimi nyipici i nyidrë.
17 Hnei nyidrëti hna lepe la itre joxu ka tru,
Ke ka epine palua la ihnimi nyipici i nyidrë.
18 Hnei nyidrëti hna humuthe la itre joxu ka catr,
Ke ka epine palua la ihnimi nyipici i nyidrë,
19 Ene Sihona joxu i angetre Amora,
Ke ka epine palua la ihnimi nyipici i nyidrë,
20 Me Oga joxu ne Basana,
Ke ka epine palua la ihnimi nyipici i nyidrë.
21 Hnei nyidrëti hna hamëne la itre nöje i angatr nyine edrö,
Ke ka epine palua la ihnimi nyipici i nyidrë,
22 Edrö hna hamën koi Isaraela, hlue i nyidrë,
Ke ka epine palua la ihnimi nyipici i nyidrë.
23 Hnei nyidrëti hna meku së lo easa kucakuca,
Ke ka epine palua la ihnimi nyipici i nyidrë.
24 Hnei nyidrëti hna amele së qaathene la itre ithupëjia,
Ke ka epine palua la ihnimi nyipici i nyidrë.
25 Nyidrëti a hamë xen kowe la nöjei ka mel,*
Ke ka epine palua la ihnimi nyipici i nyidrë.
26 Olene jë kowe la Akötresie ne la itre hnengödrai,
Ke ka epine palua la ihnimi nyipici i nyidrë.