Salamo
Nyima ne Elë. Qaathei Dravita.
122 Hnenge hna madrin lo kola qaja koi ni ka hape:
“Easa tro kowe la uma i Iehova.”
2 Ierusalema fe, itre waca hun a cil enehila
Qëmekene la itre qëhnelö i ö.
3 Hna xupi Ierusalema tune la ketre traon
Ka catr me cas.
4 Elë hë la itre tribu e Ierusalema,
Lo itre tribu i Ia,*
Thenge la hna amexej e Isaraela,
Matre troa atrun la ëje i Iehova.
5 Ke e cili hi la hna acil la itre theron ne iameköti,
Lo itre theron ne la hnalapa i Dravita.
6 Sipone jë la tingeting koi Ierusalema.
Traone fe, tro ha tingeting la itre ka hnimi ö.
7 Epi troa lapa la tingeting nyipine la itre ihage* i ö,
Me pë xou ngöne la itre ita ne thupe i ö.
8 Nge thatraqane la itre trejin me itre sinatrongeng, eni a pi qaja ka hape:
“Epi troa hetre tingeting thei ö.”
9 Nge thatraqane la uma i Iehova Akötresi së,
Eni a ajane troa thele la loi koi ö.