Hosea

3 Thupene lai, öni Iehova koi ni: “Hnime hmaca ju la föe hna hnime hnene la ketre trahmany nge ka nyixetë, tune la aqane hnime Iehova la nöje Isaraela, ngacama angatr a thili kowe la itre xaa haze, me piine la itre gato rezë ka qaqacil.”*

2 Celë hi matre, hnenge hna itö angeic koi 15 lao pies sileva, nge ca omera* nge sine lao bali. 3 Ase jë lai, hnenge hna qaja koi angeic ka hape: “Edrönge pë hë nyipo kowe la itre drai ka nyimutre. Tha tro hmaca kö nyipo a nyi föe ne gojeny,* me ce meköl memine la ketre trahmany. Nge goi tha tro fe ni a ce meköl me nyipo.”

4 Kola traqa lai, ke tro la angetre Isaraela a pane lapa pë joxu ngöne la nyimu drai, nge tha tro hmaca kö a hetre nekö i joxu, me huuj, me ipoto, me iefoda,* me itre neköi idrola ne hnalapa.* 5 Thupene lai, tro la nöje Isaraela a bëeke hmaca, nge tro angatr a thele Iehova Akötresi angatr, me Dravita joxu i angatr. Eje hi, ame ngöne la itre drai ne la pun, tro angatr a bëeke koi Iehova me hmengöhmengön, matre troa kepe manathith.*