Iobu
26 Nge öni Iobu ka hape:
2 “Ke eö a mekun ka hape, hnei ö hna xatuane la itre ka pë trengecatr?
Me amelene la atre ka kucakuca?
3 Hnei ö kö hna hamëne la itre eamo ka lolo kowe la ka pë inamacan
Me hamën gufane* la wangatrehmekun*?
4 Nge drei la hnei ö hna mekune troa ithanata kow?
Nge ka xulu qa kaa la itre mekun cili?*
5 Kola hmengöhmengöne la itre atr ka pë trengecatr ngöne la mec;
Angatr e kuhu fene la itre tim me itre ka mele ngön ej.
7 Nyidrëti a seluthe la hnengödrai ne kolopi ngöne la gaa pa alien,
Nge nyidrëti a athipe la ihnadro hune la pëkö;
8 Nge nyidrëti a atuthe hnyawa la itre tim ngöne la itre iawe i nyidrë,
Matre ngacama ka hace itre ej, ngo tha kaqa kö la itre iaw;
9 Nyidrëti a juetrëne la therone i nyidrë,
Me seluthe la iawe i nyidrë hun ej.
10 Nge nyidrëti a sija la ifego ne la hnagejë memine la hnengödrai;
Nge nyidrëti a acile la ifego ne la lai me jidr.
11 Kola enienij la itre ikapa ne la hnengödrai;
Nge kola asesëkötrë itre ej hnene la ihaji i nyidrë.
12 Jëne la trengecatre i nyidrë, nyidrëti a jume la hnagejë,
Nge jëne la inamacane i nyidrë, nyidrëti a lep anyilanyilane la öni ka tru* ne hnagejë.
13 Nyidrëti a alaine la hnengödrai hnene la hnamano* i nyidrë;
Nge nyidrëti a jaqa la une ka jipajipa* hnene la ime i nyidrë.
14 Goeën! Celë hi hnepe ka co hi ne la itre huliwa i nyidrë;*
Neköi hnepe ulili hi la hne së hna dreng göi nyidrë!
Matre drei hö la ka atreine trotrohnine la ecatrene la hedrenge i nyidrë?”