Isaia

Ase hë ni atë hui angeic la uati hmitrötreng;

Tro angeic a tro fë la meköt kowe la itre nöj.

 2 Tha tro kö angeic a sue me ewekë catr,

Nge tha tro kö a dreng la aqane ewekë i angeic e kuhu gojeny.

 3 Tha tro kö angeic a hutra la hainy ka pej,

Nge tha tro kö angeic a apine la wik ka so nge ka ae trootro.

 4 Tha tro kö angeic a ae trootro me pej, uti hë la tro angeic a acile la meköt e celë fen;

Itre hnapet a treqene la wathebo* i angeic.

 5 Hane hi la hna qaja hnene la nyipi Akötresie,

Iehova lo Atre Xupe la hnengödrai, me Akötresie Ka Draië, atre seluth ej,

Atre kuca la ihnadro* memine la itre alien,

Atre hamëne la hnamano kowe la nöjei atr

Memine la mel kowe la itre ka tro hun ej:

 6 “Ame ni Iehova, hnenge hna hë eö ngöne la meköt;

Hnenge hna ea la ime i ö.

Tro ni a thupë eö me hamë eö nyine isisinyikeu thatraqane la nöj

Me nyine lai kowe la itre nöj,

 7 Matre tro eö a fe la lue meke ne la itre timek,

Me xome la itre hna oth qa hnine la kalabus

Memine la itre hna akalabusin qa ngöne la melöhlem.

 8 Iehova ni. Celë hi la ëjeng;

Tha tro kö ni a hamëne* la lolong kowe la ketre atr,

Memine la aqane atrunyi ni kowe la itre idrola.

 9 Haawe, eatre hë la itre ewekë hnapan;

Enehila, eni a amamane la itre ewekë ka hnyipixe.

10 Nyimane jë koi Iehova la nyima ka hnyipixe,

Atrunyi nyidrëti jë qa ngöne la itre cane la fen hnengödrai,

Epun itre ka nyinyap hune la hnagejë me nyipine la itre alien ej,

Me epun itre hnapet, me itretre lapan ej.

11 Epi tro la hnapapa me itre traon ej a ewekë catr,

Ene la itre hlapa* i Kedara.

Epi tro la itre ka lapa ngöne la itre git a sue madrin;

Me ithanata catr hune la itre wetr.

12 Epi troa atrunyi Iehova

Me amamane la lolo i nyidrë ngöne la itre hnapet.

Tro nyidrëti a sue, me hë tune la atre isi;

Tro nyidrëti a catr hune la itre ithupëjia me nyidrë.

Tune la föe ka hnaho,

Tro ni a awe, me simano, me manomano catr.

15 Tro ni a apatrene trij la itre wetr me itre sasala

Tro ni a aqaqacilën la itre hnitr e cili.

Tro ni a kuca matre tro la itre hneopegejë a nyi hnapet

Nge tro ni a aqaqacilën la itre tim hna haöthe hnei rozo.

16 Tro ni a tro fë la itre ka timek ngöne la gojenyi hnei angatr hna thatre

Me eatrongë angatr ngöne la itre hmene gojeny ka trenyiwa koi angatr.

Qëmekei angatr, tro ni a saze la melöhlem matre lai

Nge tro la gojenyi ka xozaxoza a meköt.

17 Tro hë angatr a bëeke hmaca me hmahma,

Ene la itre ka mejiune kowe la itre idrola hna tratraun,

Lo itre ka qaja kowe la itre idrola* hna ahmun ka hape: “Epuni hi la itre haze hun.”

18 Itre simi hnangenyë fe, drenge ju;

Itre timeke fe, goeëne ju nge wange ju.

19 Drei la ka timek, nge hluenge pe?

Drei la ka simi hnangenyë tune la ka tro fë la macang?

Drei la ka timek tune la hnenge hna nyithupen,

Ka timek tune la hlue i Iehova?

20 Nyimu ewekë hnei ö hna öhn, ngo tha semesinene kö eö.

Eö a fe la lue hnangenyë i ö, ngo tha drenge kö eö.

21 Ke hnene la meköti nyidrë,

Matre Iehova a kapa madrine troa atrune la wathebo* me amingömingön ej.

22 Ngo ketre nöje pe hna thepe mon me apë ewekën;

Hnei angatr asë hna ce jötr ngöne la itre hnaop, nge hna juetrë angatr ngöne la itre kalabus.

Hna thapa la itre ewekë i angatr, nge pëkö ka atrein amele angatr,

Nge hna atrekënö angatr, ngo pë pe ka qaja ka hape: “Bëeke sai angatre jë!”

24 Drei la ka nue Iakobo kowe la itre atrekënö

Me nue Isaraela kowe la itre ka thepe ewekë?

Xele angatr ma trongëne la itre jë i nyidrë,

Nge xele angatr ma xötrethenge la itre wathebo* i nyidrë.

25 Matre hnei nyidrëti pala hi hna nenge hui angatr la trenge elëhni i nyidrë,

Me wesitr, memine la ecatrene isi.