Salamo
Thatraqane la atre jumi traem. Salamo ne la itre nekö i Kora.
47 Itre nöje fe, xexe jë.
Sue jë, sue madrine jë koi Akötresie.
2 Ke Iehova Akötresie Ka Draië Catr la nyine xouen;*
Nyidrëti la Joxu Ka Sisitria ne la fen.
3 Nyidrëti a thaipiëne la itre nöj fene la musi së;
Nyidrëti a amë la itre nöj fene la lue ca së.
4 Nyidrëti a iëne koi së la ketre edrö,
La elolo i Iakobo, lo hnimina i nyidrë. (Sela)
5 Elë hë Akötresie nyipine la itre mejene madrin;
Elë hë Iehova cememine la mejene trutru.*
6 Haawe, nyimane jë la itre nyima nyine atrunyi* Akötresie, nyimane jë la itre nyima nyine atrun.
Nyimane jë la itre nyima nyine atrune la Joxu së, nyimane jë la itre nyima nyine atrun.
7 Ke Joxu hë Akötresie hune la fen asë;
Nyimane jë la itre nyima nyine atrun, nge waiewekë hnyawa ju.
8 Joxu hë Akötresie hune la itre nöj.
Akötresie a të hune la therone ka hmitrötre i nyidrë.
9 Hnene la itre tane la itre nöj hna icasikeu
Memine la nöj ne la Akötresi Aberahama.
Ke itre ewekë i Akötresieti la nöjei trene musi* asë e celë fen.
Nyidrëti a heetrëne la lolo.