Hnaaluene Tus i Aqane Lapa Itre Joxu

27 Traqa koi 25 lao macatre i Iotham lo kola acili joxu nyidrë. Hnei nyidrëti hna mus koi 16 lao macatre e Ierusalema. Ierusa la ëjene la thine i nyidrë, nge eahlo la nekö i Zadoka. 2 Hnei Iotham hna kuca la loi qëmeke i Iehova, tui Uzia keme i nyidrë. Ngo tha hnei nyidrëti kö hna lö hnine la uma ne hmi Iehova. Nge ame pena la nöj, hnei angatre pala hi hna kuca la ngazo. 3 Hnei Iotham hna xup la qëhnelö ka he koho ne la uma ne hmi Iehova, nge nyimu ewekë fe hnei nyidrëti hna xup ngöne la ihag ne Ofela. 4 Nyidrëti a xupe ju fe la itre traon ngöne la itre wetr ne Iudra, me itre götran hna eköhagen, me itre ita ne thup ngöne la itre traon ezin. 5 Nge hnei Iotham hna isi memine la joxu ne Amona, nge nyidrëti a ngaa angatre jë. Ame hnei angetre Amona hna kuiëne koi nyidrë la 100 talane* sileva la macatre cili, me 10000 kori* ne qitr, me 10000 kori ne bali. Hnei angetre Amona hna kuiëne hmaca la itre ewekë cili ngöne la hnaaluen, me hnaakönine macatre. 6 Celë hi aqane catre i Iotham, ke xecie hnyawa koi nyidrë troa ujë thenge la hna qaja* hnei Iehova Akötresi nyidrë.

7 Nge ame la mele i Iotham me nöjei isi i nyidrë, me aqane ujë i nyidrë, ke hna fejan asë hnine la itusi ne la mele ne la itre joxu ne Isaraela me Iudra. 8 Ka 25 lao macatre i Iotham lo kola acili joxu nyidrë. Hnei nyidrëti hna mus koi 16 lao macatre e Ierusalema. 9 Ame hnei Iotham hna meköl me itre qaaqaa i nyidrë ngöne la mec, nge hna kelemi nyidrë ngöne la Traone i Dravita. Hna acili joxu Ahaza nekö i nyidrë, troa nyihnai nyidrë.