Nyima i Solomona

2 “Ceitunge hi memine la safra* ka cia ezine hnagejë,

Me ketre lili ka cia ngöne la itre hnathup.”

 2 “Tune la lili nyipine la itre ka ithiny

Celë hi pengöne la hniminang nyipine la itre nekö jajiny.”

 3 “Tune la ipom ka cia nyipine la itre sinöe ngöne la hnaxulu,

Celë hi pengöne la hniminang nyipine la itre nekö trahmany.

Pi tro catre ni a lapa fene la gaa xapo i angeic,

Nge hnyapa catre la itre wene sinöe i angeic ngöne la qëng.

 4 Hnei angeic hna lö sai ni ngöne la uma ne waina,

Nge ceitune la ihnim i angeic me darapo hna seluth hui eni.

 5 Ahlë ni jë hnene la itre gato rezë;

Hamë trengecatrenge pi hnene la itre wene pom,

Ke eni a hmo sai angeic.

 6 Tane heng la ime mi i angeic,

Nge angeic a haluthi ni hnene la ime maca i angeic.

 7 Itre jajinyi ne Ierusalema fe, pane sisinyi jë koi ni,

Jëne la itre gazel me itre drube föe ne hnitr, ka hape:

Goeën! Angeice hë la,

Kola eli wetr me sesësesë hune la itre sasala.

Angeice hi la, tröne la ngöne uma,

Angeic a tu qa ngöne la itre mamalama,

Me goeën qa ngöne la itre gaa lailai.

‘Cile jë, hanyinge hniminang,

Föeng ka mingöming, nge ce tro jë so.

12 Mama ha la itre iengen ngöne la nöj,

Traqa ha la ijine troa thupa acone la itre vin,

Nge kola dreng la itre melimala a ho ngöne la nöj.

13 Hmedre hë la itre wene wacua, ngöne la iwacua ka canga ham;

Enge hë nge punepune hë la itre vin.

14 Neköi pinyinge fe, ngöne la itre gaa thöni ne la etë atraqatr,

Ngöne la itre gaa kaqa ne git,

Pi tro ni a goeë eö me dreng la nine i ö,

Ke ka lolo la nine i ö, nge ka za la neköi ngöne i ö.’”

15 “Xolouthe ju koi nyio la itre kuli wael,

Itre neköi kuli wael ka angazon la hnënge vin,

Ke engë hë la itre vine so.”

17 Qëmeken troa mejë la eny* nge troa patre la jidr,

Hniminange fe, canga kötre jë,

Tune la gazel maine neköi drube hune la itre wetr ka iananyi nyiso.*