Salamo
Salamo i Dravita, lo angeic ngöne la hnapapa e Iudra.
63 Akötresieti fe, nyipëti la Akötresing, nge tha mano kö ni thele nyipë.
Ka nyipiewekë nyipëti koi ni tune la tim kowe la atr ka meci hnei pi ij.
Kucakuca ha la ngönetreing, ke eni a thel agö nyipëti ngöne la ihnadro ka pë tim
Nge ka qaqacil, nge ka pi ij.
2 Celë hi matre, hnenge hna goeë nyipë ngöne la hnë ka hmitrötr;
Hnenge hna öhne la men me lolo i nyipë.
3 Pine laka, sisitria kö la ihnimi nyipici i nyipë hune la mel,
Tro la ukeineqëng a atrunyi nyipë.
4 Tro hë ni a atrunyi nyipë e nöjei drai ne la meleng;
Tro ni a adraiëne la lue imeng ngöne la ëje i nyipë.
5 Tro hë ni a mej tune la atre hna amejin hnene la nyipi xen,*
Qa ngöne lai, tro la qëng a atrunyi nyipë hnene la ukeineqë ka madrin.
6 Hune la hnë meköleng, eni a meku nyipë;
Eni a lapa meku nyipë nyipine la itre jidr.
7 Ke nyipëti la atre xatua ni,
Matre eni a sue madrine fene la lue iape i nyipë.
8 Eni a lapa qale koi nyipë;
Kola sajuë ni hnene la ime maca i nyipë.
9 Ngo ame la itre ka thele troa xome la meleng*
Tro hë angatr a uti ngöne la gaa jui ne la ihnadro.
10 Tro ha nue angatr kowe la menene la taua;
Tro pë hë angatr a nyi önine la itre kuli wael.
11 Ngo tro la joxu a madrine koi Akötresie.
Tro ha sue madrin* la nöjei atr ka sisinyi jëne Akötresie,
Ke tro ha thinge la që ne la angetre silitrengathoi.