Salamo

Ka lolo la troa nyiman* la itre nyine atrune la Akötresi së;

Ka lolo me meköt troa atrunyi nyidrë!

 2 Iehova a xupi Ierusalema;

Nyidrëti a acasine hmaca la itre hna isaijen qa Isaraela.

 3 Nyidrëti a ameune la itre hni ka awe;

Nyidrëti a atuthe la itre eatre i angatr.

 4 Nyidrëti a e la etrune la itre wëtresij;

Nyidrëti a hë angatr hnene la isa ëje i angatr.

 5 Ka draië la Joxu së;

Pëkö sane la mene i nyidrë; ka pë ifegone la inamacane i nyidrë.

 6 Iehova a adraiëne la itre ka ipië,

Ngo nyidrëti a kuiën e kuhu hnadro la nöjei atr ka ngazo.

 7 Nyima jë koi Iehova memine la hni ne ole;

Nyimane jë la nyine atrune la Akötresi së memine la arp,

 8 Lo Atre heetrëne la hnengödrai hnei itre iaw,

Me Atre hamëne la mani kowe la ihnadro,

Me Atre aciane la haö hune la itre wetr.

 9 Nyidrëti a ithuane la itre öni,

Tune lo itre neköi halo ka ho hnei pi xen.

10 Tha nyidrëti kö a madrine la trengecatrene la hos;

Tha nyidrëti kö a haine la ecatrene la lue ca ne la atr.

11 Iehova a hnime la itre ka xoue nyidrë,

Lo itre ka mejiune kowe la ihnimi nyipici i nyidrë.

13 Nyidrëti a acatrene la itre agö ne la itre qëhnelö i ö;

Nyidrëti a amanathithine la itre nekö i ö nyipi ö.

14 Nyidrëti a acile la tingeting ngöne la zi ö;

Nyidrëti a ameji ö hnene la qitr ka nyipi lolo.*

15 Nyidrëti a upe la maca i nyidrë kowe la fen;

Trengewekë i nyidrëti a xötre nyimenyim.

16 Nyidrëti a upe la kiona tune la drela;

Nyidrëti a jume la lepany tune la hnatresij.

19 Nyidrëti a qaja amamane la trengewekë i nyidrë koi Iakobo,

Me itre hna cinyanyin me itre hna amekötin koi Isaraela.

20 Tha ase kö nyidrëti kuca lai kowe la ketre nöj;

Pëkö hnei angatr hna atre göne la itre hna amekötin hnei nyidrë.