Iobu
36 Öni Elihu hmaca ka hape:
2 “Eni a sipo nyipë, pane treqene ju, ke hetre maca qaathei Akötresie,
Nyine tro pala kö ni a qaja koi nyipë.
3 Tro ni a qaja asë la hnenge hna atre,
Me qaja ka hape, qaathene la Atre Xupi ni la meköt.
4 Nyipici laka, tha ka tria kö la itre trengewekëng;
Nge eje qëmeke i nyipë la Atr ka hetre nyipi inamacan.
5 Ke eje hi, ka men Akötresie, nge pëkö atr hnei nyidrëti hna nuaxöj;
Nge ka atreine itrotrohni.*
6 Tha tro kö nyidrëti a thupëne la mele ne la itre atre ka ngazo,
Ngo nyidrëti pe a jelemekötine la itre ka akötr.
7 Nyidrëti pala hi a goeëne la itre atre ka meköt;
Me acili angatr memine la itre joxu,* me adraië angatr uti hë epin.
8 Ngo maine hna ceinë angatr
Me othi angatr hnene la itre eno ne akötr,
9 Akötresieti a amamane la itre huliwa i angatr,
Lo itre tria hnei angatr hna kuca qa ngöne la pi tru i angatr.
10 Nyidrëti a fe la lue hnangenyë i angatr kowe la ihaji
Me upi angatr troa nue la ngazo.
11 Nge maine tro angatr a dreng me nyihlue i nyidrë,
Tro ha lolo la mele i angatr,
Nge tro hë angatr a madrin ngöne la itre macatre ne mel angatr.
12 Ngo maine xele kö angatr ma dreng, tro ha humuthi angatr hnei taua*
Nge tro hë angatr a mec nge pëkö atrehmekun.
13 Ame la itre ka tha metrötrë* Akötresie, angatr a lapa fë trenge hni.
Nge tha hokötre kö angatr la kola othi angatr hnei nyidrë.
14 Angatr a mec, nge thupëtresije pala kö angatr,
Nge angatre pe hi a lapa* nyipine la itre ka salemë ngönetrei göi hmi.
15 Ngo Akötresieti* pe a amelene la itre hna akötrën ngöne ijine jol;
Nyidrëti a fe la hnangenyë ne la itre hna axösisin.
16 Nyidrëti a ananyi nyipë qa ngöne la qëhnelö ne akötr
Me trosai nyipë ngöne la gaa isaisa, nge pëkö iakötrë,
Nge nyidrëti a atiqane la laulau i nyipë hnei nyipi xen, matre aupunyi nyipë.
17 Nge tro hë nyipëti a madrin la kola amekötine la itre atr ka ngazo,
Ke tro ha mama la meköt ngöne la ijine iameköti.
18 Ngo wange kö ke elëhni jë nyipë, nge wanga kuca jë nyipë la ketre ewekë ka ngazo,
The tro kö a iaö nyipë hnene la mani ka tru hna hamën juetrën.
19 Nge hapeu, tro kö nyipëti a triane la akötr
Ke nyipëti a sipo ixatua me nue trengecatr?
20 The ajane kö tro la jidr a canga traqa,
Lo ijine kola patre la itre atr qa ngöne la hnë i angatr.
21 The ujë kö kowe la ngazo,
Me iëne ej, ke xele hë nyipë ma akötr.
22 Goeën, ka draië Akötresie hnene la mene i nyidrë;
Matre drei la atre hamë ini ka tui nyidrë?
23 Drei la ka atreine troa amekötine* la aqane ujë i nyidrë
Me qaja ka hape: ‘Ka ngazo la hnei nyipëti hna kuca’?
24 Mekune kö troa atrune la huliwa i nyidrë,
Lo hna nyiman hnene la itre atr.
25 Ke öhn asë hi angatr la huliwa i nyidrë,
Nge angatr a goeën qa gaa nany.
26 Eje hi laka, thatreine kö së troa trotrohnine la esisitria i Akötresie;
Me e* la etrune la itre macatre i nyidrë.
27 Nyidrëti a acasine la itre wene mani;
Ame hna nyi iaw la xaxapo, me nyi mani;
28 Nge kola trotro la mani qa ngöne la itre iaw;
Matre maniëne la itre nekö i atr.
29 Haawe, drei la ka atreine troa trotrohnine la itre iaw,
Memine la hedreng ka tro qa ngöne la itate i nyidrë?
31 Jëne la itre ewekë cili, nyidrëti a thupëne* la mele ne la itre nöj;
Me thuan atrune la nöjei atr asë.
32 Nyidrëti a heetrëne la samek hnene la lue ime i nyidrë,
Me iujin ej kowe la hnei nyidrëti hna mekun.
33 Nge kola nyihatrene la ijine traqa i nyidrë hnene la hedreng,
Nge itre öni fe a qajaqaja la atr* ka traqa.