Salamo
Nyima ne Elë.
121 Eni a gala draië kowe la itre wetr.
Troa traqa qa kaa la iameleng?
2 Qaathei Iehova la iameleng,
Lo Atre Xupe la hnengödrai me fene hnengödrai.
3 Tha tro kö nyidrëti a nue la waca i ö troa ucic.*
Ame la Atre thupë eö, ke tha tro kö nyidrëti a pi meköl.
4 Goeën! Tha tro kö la Atre thupë Isaraela
A fefenedrem me hmulizië.
5 Iehova a thupë eö.
Iehova la iahnu ngöne la götrane maca i ö.
6 Ame ngöne la drai, tha tro kö la jö a lepi ö,
Ketre tune la treu ngöne la jidr.
7 Tro Iehova a thupë eö qa ngöne la nöjei ngazo.
Tro nyidrëti a thupëne la mele i ö.
8 Tro Iehova a thupë eö ngöne la nöjei huliwa* i ö
Qaane enehila nge uti hë epine palua.