Salamo
Nyima ne Elë.*
120 Ngöne la akötreng, hnenge hna hë Iehova,
Nge hnei nyidrëti hna sa koi ni.
2 Iehova fe, amele ni jë qa ngöne la ukeineqë ne la itre ka thoi
Memine la thinem ka iaö.
3 Nemene la hnei Akötresie hna troa kuca koi ö, thinem ka iaö?
Tune kaa la aqane tro nyidrëti a nyithupene koi ö?*
4 Jëne la itre ane pehna hna xöl hnene la atr ka catr
Me itre wanalep ne la isinöe ka lapalapa.
5 Hnëjine hë ni, ke eni a mele trenyiwa e Meseka!
Eni a lapa nyipine la itre itat ne Kedara.
6 Qeadridri la hnenge hna lapa
Memine la itre ka xelene la tingeting.
7 Eni a isigöline la tingeting, ngo ame la eni a ithanata,
Angatr a pi isi.