Salamo
Salamo i Dravita.
101 Pi tro ni a nyimane la ihnimi nyipici memine la meköt.
Iehova fe, pi tro ni a nyimane* koi nyipë la itre nyima nyine iatruny.
2 Pi tro ni a hmek me mele nyipici.
Eu la tro nyipëti a traqa koi ni?
Tro ni a tro cememine la hni ka nyipici ngöne la umang.
3 Tha tro kö ni a amë qëmekeng la ketre ewekë ka pë alien.
Mething la itre huliwa ne la itre atr ka jea qa ngöne la loi;
Xele ni ma ce tro me angatr.*
5 Ame la ka xöjetrije juetrëne la atre lapa easenyi angeic,
Tro ni a apatrene triji angeic.
Ame la atr ka pi tru me pi draië,
Tha tro kö ni a xomihni angeic.
6 Tro ni a goeëne la itre ka nyipici e celë fen,
Matre tro angatr a ce lapa me eni.
Ame la atre trongëne la nyipici, ke tro angeic a nyihlueng.
7 Tha tro kö a lapa ngöne la umang hnene la atre iaö,
Nge tha tro kö a cile qëmekeng* la ketre atre thoi.
8 E nöjei hmakany, tro ni a apatren asë la itre atr ka ngazo ne la ihnadro,
Matre apatrene trij* qa ngöne la traone i Iehova la itre ka kuca la ngazo.