Salamo
Thatraqane la atre jumi traem. Salamo i Dravita.
13 Iehova fe, uti hë eu la tro nyipëti a thëthëhmi ni? Uti hë epine palua?
Uti hë eu la tro nyipëti a tha semesine* ni?
2 Uti hë eu la tro ni a hnehengazo,
Me lapa fë la hleuhleu ka ej e kuhu hning?
Tro la ithupëjiang a hun uti hë eu?
3 Iehova Akötresinge fe, goeë ni jë nge sa jë koi ni.
Alaine pi la luemekeng, matre tha tro kö ni a meköl ngöne la mec,
4 Wanga qaja jë la ithupëjiang ka hape: “Ase hë ni ngaa angeic!”
The nue kö la itre ithupëjiang troa madrine fë la hna akeinyi ni.
5 Ngo ame ni, eni a mejiun kowe la ihnimi nyipici i nyipë;
Tro la hning a madrine la itre huliwa ne iamele i nyipë.
6 Pi tro ni a nyima koi Iehova, ke tru catre la hnei nyidrëti hna amanathithi ni.*